Notísia foun


Timor Post (01/09/2020)-Komandante Polísia Nasionál Timor-Leste Munisípiu Dili, Superintendente Xefe Polísia Henrique da Costa, tersa, (01/09) garante, Polísia sei fó Seguransa másimu ba Asaun Pasífiku hosi Rezisténsia Nasionál Defende Justisa no Konstituisaun (RNDJK), ne’ebé lidera hosi Angela Freitas, maibé bainhira asaun ne’e mosu provokasaun to’o hamosu “Anarkizmu’ Polísia sei hapara iha kualkér tempu.

Komandu PNTL Munisípiu Dili husu ba responsavel Asaun Pasífiku kontra Presidente Repúblika atu uza direitu ne’e ho loloos para labele hamosu fali Instabilidade.

Superintendente Xefe Polísia Henrique haktuir iha akta prevee tiha konkordánsia balu entre Portavos RNDJ-KRDTL ho Polísia atu partisipante Asaun Pasifiku tenke halo tuir, maibé manifestante sira kuandu fora hosi akta ne’ebé responsavel Massa ho Komandu PNTL halo ona maka Komandu PNTL Munisípiu Dili Sei uza ninia podér para atu hapara Asaun Pasífiku RNDJ-KRDTL ne’ebé lidera hosi Angela Freitas.

“Komandu PNTL Munisípiu Dili la’ós prepara atu hein de’it manifestasaun dia 4 Setembru ne’e de’it, maibé ita Prepara 24 oras atu atende situasaun saida de’it atu mosu”, dehan Henrique ba jornalista hafoin enkontru ho Vise Ministru Interior iha salaun ekontru Komandu PNTL Munisípiu Dili, tersa,(01/09).

“Direitu atu halo manifestasaun, pedidu hatama ona, maibé husu para atu nune’e bele uza direitu ho di’ak, ho loloos, labele kria fali situasaun inseguru. ita Polísia sei la tolera parte ne’ebé atu kria instabilidade iha sidade Dili, akta iha saida maka atu halo, ida ne’e halo tuir, sai hosi akta, sai hosi sira nia intensaun, ita mós uza ita nia podér atu nune’e hapara”, hateten Komandante.

   Tuir pedidiu asaun pasifiku kuaze semana ida resin  iha Tasi-tolu dia 4 Setembru to’o fali  18 Setembru maibé Komandu PNTL Munisípiu Dili prontu para atu fó Seguransa ba asaun Pasífiku la’o ho Paz no hakmatek.

Enkuantu Vise Ministru Interior, Antonio Armindo, konsidera manifestasaun RNDJ-KRDTL, lideradu Angela Freitas ho nia grupu la’ós foin maka akontese, más beibeik ona maibé polísia sempre halo seguransa baa Asaun Pasífiku sira ne’e ho di’ak.

Governante ne’e fó fiar ba PNTL atu hola ninia kna’ar hodi asegura Seguransa ne’ebé di’ak no professional hodi nune’e Asaun Pasífiku bele iha duni ninia sentidu katak la’o ho Paz no hakmatek.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 200
  • Page views today : 237
  • Total visitors : 73,132
  • Total page view: 101,495

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur