Notísia foun


Timor Post (01/09/2020)- Vise Xefe Bankada CNRT, deputadu Patrocínio Fernandes, hatete CNRT laiha ligasaun ho grupu Rezisténsia Nasionál Defende Justisa no Konstituisaun (RNDJK).

Patrocínio hato’o rejeisaun ne’e relasiona dokumentu ne’ebé Bankada Fretilín fó sai katak RNDJK  hetan apoiu mós hosi Partidu CNRT.

“Hanoin ne’e deklarasaun ema ne’ebé la kompriende sasán, tanba Partidu CNRT laiha ligasaun ho atividade ne’ebé Angela Freitas nian, Angela Freitas ema sidadaun Timor ida, parese nia halo ninia atividade laiha ligasaun ho CNRT. partidu CNRT laiha apoiu ba atividade ida ne’e, ne’ebé CNRT laiha koñesimentu” hateten Patrocínio hafoin konfirma  iha PN Tersa (01/09).

Maski Prezidente CNRT Kay Rala Xanana Gusmão ninia fotógrafu maka sai símbolu ida ne’ebé utiliza hosi RNDJK maibé Patrocínio hateten ne’e direitu sidadaun nian tanba Kay Rala Xanana alende Prezide CNRT nia ema patrimóniu estadu.

`”Ha’u hanoin Prezidente CNRT Kay Rala Xanana Gusmão, alende nia hanesan Prezidente CNRT nia ne’e patrimóniu estadu ninian, maun boot ba ema hotu, ne’ebé kualkér ba ema hotu, ne’ebé ema hanoin katak atu utiliza maun boot ninia poster ka ninia fotografia hanesan inspirasaun ba nia hanoin ruma quero dizer que laiha lei ruma Bandu Timor oan ida atu uza lider Karizmátika Xanana ninia fotografia, “nia justifika.

Molok hakotu nia tenik dala ida tan Partidu CNRT laiha koñesimentu kona ba atividade sira ne’ebé Angela Freitas ho nia grupu halo.(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 248
  • Page views today : 344
  • Total visitors : 78,254
  • Total page view: 109,655

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur