Notísia foun


Timor Post (28/08/2020)-Xefe Suku Nipani, Sub-Rejiaun Pante Makasar, Oekusi Ambeno, Pedro Eko iha lia ben-vindu ba Lider Nasional Kayrala Xanana Gusmao bainhira hala’o Misaun COVID sublina, to’o agora merkadu iha lina fronteira seidauk loke durante implementasaun Estadu Emerjensia iha Timor Leste.

Xefe Suku dehan, nia populasaun nia moris depende ba agrikultura. Bainhira merkadu fronteira la loke populasaun sira moris susar tanba mos laiha movimentasaun faan no sosa.

“To’o agora ami nia basar mos seidauk loke. Tanba ne’e ami husu ba Maun Boot Xanana bele fahe hela informasaun ba ami,” Xefe Suku sublina.

Lider Nasional Kayrala Xanana Gusmao hala’o Misaun COVID haleu Timor laran no semana rua ikus ne’e Xanana tama sai suku no aldeia sira iha Oekusi hodi aviza konaba impaktu husi moras daet Corona (COVID-19) ne’ebe ameasa nasaun hotu iha mundu no hamate ona ema rihun ba rihun.

Durante Xanana nia intervensaun haktuir, aplikasaun estadu emerjensia dahulu too datolu maka aplika ba territoriu tomak, maibe estadu emerjensia ba dahaat nian aplika liuliu iha fronteira sira.

Tanba ne’e, Xanana husu ba populasaun hotu iha Oekusi atu kumpri regra hotu ne’ebe estadu fo sai konaba saude publiku nian atu prevene moras ne’e daet iha rai laran.

Xanana husu liuliu populasaun sira labele halo movimentu ilegal sira iha fronteira tanba moras perigozu nee sae maka’as iha Indonezia no iha Nusa Tenggara Timur (NTT), kontinua aumenta.

Tuir observasaun Timor Post haktuir, durante Xanana hala’o Misaun COVID iha Oekusi, populasaun sira simu ho entusiazmu.

Iha misaun ne’e Xanana fahe mos apoiu karidade nesesidade baziku ne’ebe prepara husi ema ne’ebe iha kbiit naton ba povu kbiit laek sira.

Xanana mos agradese ba ema hotu ne’ebe durante pos COVID fo tulun ba maluk kbiit laek sira. (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,237
  • Page views today : 1,772
  • Total visitors : 80,489
  • Total page view: 112,853

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur