Notísia foun


Timor Post (28/08/2020)- Dekanu Fakuldade Saúde Universidade Nasionál Timor Lorosa’e (UNTL) José Dionísio Ximenes, hatete Timor-Leste seidauk tama iha faze pandemic COVID-19 tanba médiku halo tratamentu ho di’ak.

“Ministériu Saúde (MS) ho esforsu makas hodi halo prevensaun, ita foin da’et pozitivu ida depois médiku sira halo tratamentu di’ak hotu pasiente mós alta ona. Ida ne’e ita konsidera hanesan Timor-Leste seidauk tama iha faze pandemia”, hatete Dionísio ba Timor Post iha okaziaun serimónia Yudisium Fakuldade Medisina iha Otél Luz Clarita (28/08).

Akdemista ne’e husu parte Ministériu Saúde atu kontinua alerta nafatin no husu komunidade halo nafatin prevensaun ba surtu COVID-19.

“Ita haree moras COVID-19 iha nasaun ohin loron mate ona ema rihun 20 iha mundu, populasaun timor ladún fó atensaun, agora ita haree iha merkadu sira, iha fatin públiku ema sein uza máskara ne’e hatudu katak ema ladún fó ona atensaun ba iha moras COVID-19, maibé moras sei iha, kuidadu nafatin”, Dionísio fó atensaun.

Entretantu Estadu Timor-Leste estadu emerjénsia dalas hat hodi suspende direitu atividade sidadaun sira nian ba prevensaun propagasaun surtu Corona Virus iha Timor-Leste.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 782
  • Page views today : 949
  • Total visitors : 84,629
  • Total page view: 118,756

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur