Notísia foun


Timor Post (27/08/2020)- Prezidente Komisaun A Joaquim Santos hatete, deputadu Arão Noe naran seidauk tama iha komisaun tanba Parlamentu Nasionál seidauk halo desizaun ba númeru komisaun.

“Nia naran seidauk tama iha komisaun tanba Parlamentu tenke halo fali desizaun ida ba númeru komisaun nian, tanba uluk ne’e nia lidera parlamentu entaun Arão nia naran la tama iha komisaun sira tanba nia prezidente”, deputadu Joaquim informa ba jornalista sira iha Parlamentu Nasionál, kinta (27/08).

Polítiku ne’e subliña bainhira atu hatama eis prezidente PN ne’e naran komisaun ida nia atu ba ne’e, komisaun ne’e nia estrutura tenke lori fali ba parlamentu delibera fali mak nia foin tama.

“Agora parlamentu seidauk delibera ne’e, foin daudauk iha proposta ida maibé atu diskute seidauk aprova ne’e tama tiha ona resesu, entaun resesu tama fali mak aprova” adianta Joaquim.
Deputadu partidu ne’ebé asegura Governu daualuk ne’e dehan nia atu tama de’it ladi’ak tanba regra mak taka tia dalan ona ne’ebé ida ne’e sala ba ita hotu.

“La’ós bankada Fretilin mak la fó fatin, ne’e informasaun la laloos, tanba ne’e nia direitu no nia servisu ba nasaun ne’e taka dalan no la fó fatin ba halo saida.

Entretantu hafoin kadeira no meza Prezidente Parlamentu Nasionál rahun tiha iha loron 18-19 Maiu 2020, liu de’it loron ida Arão Noé halo kedas servisu hanesan deputadu baibain.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 176
  • Page views today : 231
  • Total visitors : 78,182
  • Total page view: 109,542

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur