Notísia foun


Timor Post (23/08/2020)—Dadersan nakukun maizumenus tuku lima, oan hakiak ho naran Júlio Elu Ote hakfodak bainhira haree nia aman Ernesto Ote ho tinan 64 tara-an hela iha uma kotuk ho kondisaun laiha ona iis.

Akontesimentu ne’e iha Bairro Webau – Aldeia Sanane, Suku Kosta, Sub-Rejiaun Pante Makasar, Rejiaun Administrativu Espesial Oeskusi Ambeno (RAEOA)

Ba Jornalista sira iha fatin akontesimentu, Júlio haktuir, iha kalan matebian sei ba hela iha mate-uma ida iha bairro laran no matebian fila uluk ba uma.

Bainhira Júlio fila ba uma maizumenus iha tuku haat haree nia aman laiha fatin, nia buka tuir ba iha uma kotuk haree ba nia aman tara-an hela iha ai ida ne’ebé baibain fó mahon ba sira nia deskansa fatin.

Ernesto infrenta moras iha ain tinan barak ona. Doutor sira tesi tiha nia ain tanba labele kura nia kanek. To’o mate Ernesto ho de’it kadeira rona.

Matebian iha esperiensia nu’udar karpinteiru. Nia mos simu ona subsidiu ba idozu sira.

Oan hakiak, la imajina nia aman ho de’it ain ida bele kesi tali no tau an ba tali.

Maibé nia haktuir, baibain nia aman bele hamriik rasik husi kadeira roda ho ain ida bainhira kaer ba didin ka iha ai ruma.

Tuir observasaun Timor Post haktuir, polísia to’o iha fatin akontesimentu hodi lori matebian ba halo autópsia no halo investigasaun hodi deskobre motivu loloos. (cao)

Please follow and like us:

NOTÍSIA FOUN

Site Statistics

  • Users online: 7 
  • Visitors today : 778
  • Page views today : 1,173
  • Total visitors : 73,710
  • Total page view: 102,431

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur