Notísia foun


Timor Post (21/08/2020)- Bazeia ba desizaun Komisaun Funsaun Públiku númeru 3.776/2020/PCFP Nomea Antonio Moniz Clau ba Sekretáriu autoridade munisípiu Dili hodi troka sekretáriu autoridade sesante Jeca Smith.

Antonio Moniz Clau antes ne’e assume Kargu hanesan xefe departamentu rekursu umanu iha autoridade munisípiu Dili, agora sa’e ba sekretáriu autoridade munisípiu Dili troka Jeca Smith no tuir informasaun katak Jeca Simth agora daudauk foti hela lisensa annual.

“Transferénsia ida ne’e mai kolega foun, ha’u triste liután tanba desizaun ne’e laiha koñesimentu ba ha’u nia superior, hanesan prezidente autoridade”, hateten Jeca Smith nia diskursu entrega Podér ba sekretáriu autoridade munisípiu foun Antonio Moniz Clau iha Edifísiu munisípiu Dili, Matadoru sesta (21/08).
Artista Lahne group ‘Oras To’o Ona’ afirma atu troka ne’e normal maibé superior ba estrutura autoridade munisípiu Dili mak prezidente autoridade, tanba ne’e atu troka estrutura iha autoridade munisípiu Dili tenke iha koñesimentu husi prezidente autoridade munisípiu.

“Ha’u ho sekretáriu foun koñese dezde uluk kedas, ha’u apoiu nia nafatin atu servi nafatin ba ita nia Nasaun, ba ita nia Povu no ha’u husu ba ita boot atu hala’o knar ho didi’ak liu-liu atu trata funsionáriu hanesan”, Nia rekomenda.
Iha fatin hanesan sekundáriu autoridade foun Antonio Moniz Clau, hateten, hanesan funsionáriu públiku laiha duvida, laiha rezerva atu dehan katak la prontu, sempre prontu atu servi populasaun iha munisípiu Dili.

“Ha’u hanesan funsionáriu públiku laiha duvida, laiha rezerva atu dehan katak la prontu, sempre prontu atu servi autoridade munisípiu Dili, servi ita nia Populasaun munisípiu Dili”, hateten Moniz Clau.

Kona-ba planu sekretáriu autoridade Foun Antonio Moniz Clau, dehan planu ne’e ajusta ona iha prezidente autoridade Dili tanba Tuir dekretu lei númeru 3/2016, 16 de marsu no primeiru aliterasaun dekretu lei númeru 9/2018, 9 de Abríl artigu 37 regula kompeténsia sekretáriu autoridade munisípiu.

“Planu ne’e ajusta ona ba prezidente autoridade iha primeiru aliterasaun dekretu númeru 9/2018, 16 de Abríl artigu 37 ne’e regula kompeténsia sekretáriu autoridade munisípiu katak servisu hot-hotu sei hetan delegasaun husi prezidente autoridade munisípiu Dili”, nia informa.

“Ha’u ba para atu ajuda servisu ne’ebé mak iha ona, karik servisu foin iha aban bainrua mai mak ita ajusta hamutuk”, nia hateten.

Iha fatin hanesan diretór jerál administrasaun finansas reprezenta ministru administrasaun estatál, Angelo Urbanu Fernandez, agradese ba sekretáriu autoridade munisípiu sesante tanba durante tinan Barak hamutuk ho prezidente autoridade munisípiu Dili servisu makaas ba Populasaun munisípiu Dili.

“Bazeia ba lei númeru 5/2019, 15 Julio aliterasaun primeiru ba ita nia lei númeru 8/2014, 16 de Jullu knar funsaun publika nian, iha mós dalan balu para atu no mea substitui ba kargu xefia sira, ba ita sira ne’ebé mak agora kaer hela kargu xefia ita la garante ita nia mandatu la’o tuir maibé bele fulan rua no tolu, ita mak tenke prontu atu simu”, revela Clau. (Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 172
  • Page views today : 225
  • Total visitors : 78,178
  • Total page view: 109,536

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur