Notísia foun


Timor Post (20/08/2020)-Iha komemorasaun loron FALINTIL-45 (20/08), Prezidente da Repúblika husu gerrilleiru ba Frente Armada libertasaun nasionál luta defende povu hosi kutun Corona virus ne’ebé fó ameasa seguransa nasionál ba povu no nasaun.

“Pandemia COVID-19 konsege fó ameasa ba Seguransa Nasionál no ida ne’e hatudu mai ita katak, iha tempu agora, defende soberania la’ós de’it ho kilat.

Ha’u nu’udar mós membru Frente Armada ida ne’ebé hola parte iha prosesu luta nee, hakarak husu nafatin ba maluk veteranu no kombatente sira, atu nafatin sai mata-dalan ba komunidade ne’ebé imi pertense bá, hodi buka apoia malu, liuliu iha situasaun pandemia COVID-19 ne’ebé lori moras at mai ita-nia Povu tomak ho ninia konsekuénsia hotu-hotu,” apela Xefe Estadu iha loron Frente Armada ba dala 45 iha Kuartél F-FDTL Kinta (20/08).

Iha loron aniversáriu FALINTL ne’e Komandante Supremu hateten F-FDTL nia naran sei morin ba beibeik kuandu iha koñesimentu no kapasidade moral aas namoos iha relasaun metin ho povu.
“Koñesimentu fatór importante no fundamental ba forsa F-FDTL, atu buka aprende ho matenek hodi sai lutu ida ne’ebé metin ba Povu tuir prinsípiu no valor Assuain FALINTIL nian hanesan Sakrifísiu, Lealdade, Dixiplina, Obediénsia, Onestidade, Nasionalizmu no Patriotizmu. Koñesimentu ne’ebé di’ak, kapasidade moral ne’ebé as no relasaun metin ho Povu, sei halo F-FDTL nia naran morin ba beibeik” hateten Prezidente iha nia diskursu.

Prezidente Parlamentu Nasionál iha Primeira Legislativa ne’e afirma F-FDTL ne’ebé sei lidera hosi Asswain FALINTIL sira, hanesan Lere Anan Timur, Falur Rate Laek, Sabika Besi Kulit, Aluc Descartes, Mau-Nana no sira seluk, iha devér atu hatene istória no kaer metin valor sira hosi FALINTIL nian, hanesan sakrifísiu, prinsípiu ne’ebé metin, no kapasidade atu reziste, biar la iha meius.

“Valor hirak ne’e atu F- FDTL hanesan instituisaun kontinuador husi FALINTIL bele kaer metin no adapta iha misaun ne’ebé diferente no transforma tuir konjuntura modernu nian, hanesan iha kapasidade atu apoia Povu iha dezastre naturais no domina teknolojia foun sira”, hatete Prezidente da Repúblika.(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,286
  • Page views today : 1,884
  • Total visitors : 81,953
  • Total page view: 115,012

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur