Notísia foun


Timor Post (17/08/2020)—Dotasaun Orsamentu Temporáriu (DOT) fulan Agostu tinan 2020 ba Parlamentu Nasionál (PN) ho total millaun 1.8, boot liu kompara ho anterior.

“DOT ba fulan Agostu nian, ami simu iha dia 7 Agostu ho ninia total $ 1.8 millaun. Ita kompara ho DOT neebé mak fulan-fulan Parlamentu hetan ho total 1.2.

Fulan Agostu nee hetan boot liu tanba bazeia ba karta pedidu ne’ebé mak exelénsia Prezidente haruka ba exelénsia Primeiru Ministru tau prioridade ba subsídiu deputadu sira, transferénsia fundu ba programa husi UNDP, inklui produsaun ba meza foun Prezidente Parlamentu Nasionál nian no Vise Prezidente Na’in rua”, informa.

SekretariaJerál Parlamentu Nasionál, Cedelizia Faria, ba jornalista sira iha PN, segunda (17/08).

Sekretaria PN, hatutan halo transferénsia ba UNDP ba programa ida naran Joint Programa, tanba iha semana rua ba Paramentu-UNDP asina ona kontratu ho montante quinhentos ital mill.

“Ida ne’e mak fó impaktu ba DOT fulan Agostu nian iha aumentu kuaze quinhentos ital mill”, Cedelizia akresenta.

Tanba deputadu sira iha hela faze resesu, Cedelizia hatete, DOT ba fulan Agostu ne’e la inklui osan iha parte fiskalizasaun nian.

“Fiskalizasaun klaru la halo, tanba resesu hela, ami sei selu dívida sira ne’ebé mak iha, hanesan manutensaun ba karreta inklui halo pagamentu ba kompañia sira ne’ebé oferese hahán sira mai iha parlamentu no kompañia ne’ebé mak mai halo limpeza iha ne’e,”relata.
Cedelizia adianta, DOT ba fulan Jullu nian inklui obligasaun (obligation), Parlamentu Nasionál ezekuta ona porsentu 65.(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,340
  • Page views today : 2,267
  • Total visitors : 74,272
  • Total page view: 103,525

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur