Notísia foun


Timor Post (17/08/2020)- Ministru Ensinu Superior Siénsia no Kultura Longinhos Dos Santos hatete, asaun pasifika ne’ebé hato’o hosi estudante direitu estudante sira nian, maibé atribui subsídiu ba estudante naun-bolseiru iha rai li’ur kompeténsia Ministériu Negósiu Estranjeiru no Kooperasaun (MENK) nian.

“Lei fó dalan ba sidadaun hotu-hotu atu hato’o sira nia espresaun, tanba ne’e manifestasaun ne’ebé maka alin estudante sira realiza ne’e direitu sira nian”, hateten ministru Longuinhos.
Ministru rekoñese asuntu ezijénsia estudante sira nian atu livre husi semester ida, maibé desizaun ministériu maka foti.

“Durante ne’e ministériu ensinu superior Siénsia no kultura simu Karta petisaun rua ida husi Universidade nasionál Timor Lorosa’e (UNTL) no ida husi Aliansa Universitáriu Timor Leste (AUTL). Ba UNTL dekretu lei prevee katak atu deside Propina ne’e kompeténsia ministériu, entaun ministériu foti desizaun katak kontinua selu propinas ho ninia modalidade, maibé ba ensinu superior privadu sira lei la prevee atu bele define propinas”, Longuinhos esplika.

Subsídiu ba estudante naun-bolsieru sira iha rai li’ur maka sai preokupasaun estudante sira iha rai laran, maibé Governante haktuir dekretu lei ba regula subsídiu ida ne’e ida ne’e la’ós halo hosi nia ministériu, maibé aprezenta hosi Ministériu Negósiu Estranjeiru no Kooperasaun.

“Bazeia ba dekretu lei númeru 21/2020, katak dekretu ne’e prevee hetan aprovasaun husi konsellu ministru no kabe kompeténsia ba ministériu negósiu estranjeiru no kooperasaun atu trata no promove sidadaun Timoroan sira iha rai li’ur. Natureza husi dekretu lei númeru 21/2020 primeiru mak sidadaun Timoroan ne’ebé hela iha rai li’ur, segundu ba sidadaun ne’ebé mak deklara nia dependénsia ba rendimentu família iha Timor Leste no ikus katak estabelese lockdown ba estudante sira husi rai li’ur labele tama mai Timor, objetivu prinsipál maka atu evita sidadaun Timoroan labele mai Timor tanba ita hotu hatene katak surtu covid-19 ida moras ida ne’ebé maka importa mai Timor”, nia esplika.

Antes ne’e Governu liuhosi Konsellu Ministru aprova dekretu governu ne’e, ne’ebé aprezenta hosi Ministru Negósiu Estranjeiru no Kooperasaun (MNEK) Dionísio Babo Soares, atu regula subsídiu ba estudante naun-bolseiru ne’ebé hela iha estranjeiru tanba situasaun Covid ho kustu hamutuk 500.000 ba estudante na’in 4.233 ne’ebé kada estudante hetan dolar 150 durante fulan 3.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 711
  • Page views today : 856
  • Total visitors : 84,558
  • Total page view: 118,663

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur