Notísia foun


Timor Post (13/08/2020)—Prezidente Parlamentu Nasional, Aniceto Guterres marka reuniaun ho Ministru Justisa, Manuél Cárceres hodi deskuti harii edefísiu Parlamentu Nasionál foun tanba konsidera uma fukun atuál la fó dignidade.

“Prezidente Parlamentu Nasionál husu ha’u nia prezensa iha ninia gabinete atu mai ko’alia assuntu ida de’it. Ita hotu hatene kondisaun edifísiu parlamentu nasional ne’e la fo dignidade ona ba Parlamentu Nasionál no ita nia nai deputadu sira atu halo serbisu nu’udar órgaun soberania,” Ministru Justisa, Manuel Cárceres ba jornalista sira hafoin sorumutu ho Aniceto iha Gabinete Prezidente Parlamentu Pasional, Kinta (13/08/2020).

Cárceres subliña, tuir lei, se mak reprezenta estadu hodi administra bens moves estadu nian maka ministériu justisa. Tanba ne’e, nia hatutan, Aniceto aprezenta ona nia vizaun oinsá mak bele harii edefísiu foun ba órgaun estadu daruak ne’e.

Nia dehan, ba ida ne’e presiza fatin luan, ne’ebe haree hotu ona fatin iha Dili laran ne’e labele ne’ebe presiza ses an hosi Dili mak sei ba haree fatin iha Hera liuliu ba rai estadu sira ne’ebe sei mamuk hela, maizumenus éktares 10.

“Agora ha’u sei orienta ekipa tékniku sira liuliu sira hosi diresaun nasional serbisu kadastrais nian sira sei ba haree lai rai estadu nian iha Hera depois sira sukut tiha mak lori fali mai aprezenta fali ba Prezidente Parlamentu Nasionál,” Ministru Cárceres subliña.

Entretantu Sekretaria Jerál Parlamentu Nasional, Cedeliza Faria, hatete, tuir planu orsamentu ba 2021 nian sei aloka ba halo dezeñu ho estudu tanba agora foin mak atu haree rai ne’ebé fora hosi Dili.

Nia hatete, tuir planu konstrusaun sei hahú iha tinan 2022.

“Kona-ba dezeñu nian ami seidauk bele hatene maibé maizumenus bele gasta orsamentu ho montante millaun $1, maibé ida ne’e hanesan tentativa, depois ami ko’alia ho arkitetu sira ne’ebé atu prepara dezeñu foin bele hatene loloos,” Cedelizia salienta.

(Jornalista: Julio Salinas Soares)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 908
  • Page views today : 1,127
  • Total visitors : 84,755
  • Total page view: 118,934

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur