Notísia foun

Ilustrasaun

Timor Post (13/08/2020)—Sidadaun Nova Zelándia ida nani husi tasi laran hodi salva-an iha rai maran illa Ataúro hafoin deskonfia ró ida ne’ebé tula sidadaun ne’e so’e hela iha tasi laran.

Peskadór sira hetan sidadaun ne’e iha Kuarta kalan (12/08/2020) bainhira sidadaun ne’e husu ajuda iha rai maran tasi ninin parte Akrema-Baruana nia klaran.

Administradór Postu Administrativu Ataúro, Mateus Belo haktuir, informasaun ne’ebé nia simu direta husi autoridade sira haktuir katak informasaun husi sidadaun ne’e rasik katak, nia ho ró sai husi Surabaya-Indonezia, maibé seidauk hatene klean kona-ba fatin objetivu husi nia viajen, ikus mai ema iha ró laran dudu tun hela nia iha tasi klaran.

Administradór haktuir, parte saúde halo ona observasaun ba sidadaun ne’e nia saúde. No asegura ona peskadór na’in-rua ne’ebé ajuda sidadaun ne’e hodi antisipa moras daet corona (COVID-19).

“Ami liga ona ba parte imigrasaun atu haree la’o oinsá,” Administradór Mateus subliña ba Timor Post via telefone. (cao)

Please follow and like us:

NOTÍSIA FOUN

Site Statistics

  • Users online: 8 
  • Visitors today : 588
  • Page views today : 702
  • Total visitors : 144,271
  • Total page view: 206,499

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur