Notísia foun


Timor Post (13/08/2020)-Ministru Asuntu Parlamentár no Komunikasaun Sosiál (Mapkoms) Francisco Jerónimo, hasoru malu ho Prezidente Parlamentu Nasionál (PPN) Aniceto Guterres hodi informa kona-ba  aliterasaun lei Migrasaun no Azilu, inklui mós aliterasaun lei Sistema Saúde, ne’ebé governu haruka mai tiha ona iha Parlamentu Nasionál.

Eis deputadu haktuir lei hirak refere  altura ne’ebé governu mai aprezenta deklarasaun estadu emerjénsia deputadu sira   ezije, tanba  proposta aliterasaun kona-ba  lei hirak ne’e  governu haruka tiha ona, no agora iha  hela Parlamentu Nasionál.

“Ohin ha’u mai   atu ko’alia fila-fali ho prezidente Parlamentu Nasionál atu fó hanoin fali tanba lei ne’e governu lori tiha mai parlamentu nasionál antes  resesu, “informa  Francisco Jerónimo ba jornalista iha PN, hafoin hasoru malu ho PPN, Kinta (13/08)

Governante adianta katak  aliterasaun ba lei migrasaun azilu, no sistema saúde ne’e  atu fo posibilidade ba governu  foti desizaun bainhira, mosu situasaun  kalamidade,  liu-liu surtu Pamdemia covid-19 ne’ebé mosu iha TL, hosi lei ne’e  mak bele fó baze legal ba governu, atu bele halo asaun ruma, atu limita ema sidadaun sira nia sirkulasaun, bainhira kuandu moras sira ne’ebé atu akontese.

 Membru Governu ne’e afirma atu parlamentu aselera prosesu aliterasaun lei hirak ne’e atu nune’e fó kompeténsia ba Governu para ita lalika hamosu tan estadu emerjénsia.

 Alende ne’e Jerónimo adianta, iha enkontru ne’e mós kolia kona bá  ba lei seluk hanesan, lei konvensaun internasionál sira ne’ebé ko’alia kona-ba Nota intendimentu nasaun ho nasaun, relasiona mós ho aviaun, nune’e  nota intendimentu oinsá mak próteze labarik sira nia diretu.(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 173
  • Page views today : 241
  • Total visitors : 80,840
  • Total page view: 113,369

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur