Notísia foun


Timor Post (10/08/2020)- Ministériu Edukasaun Juventude no Desportu (MEJD) hasai ona despaxu ba eskola tomak katak, ezame Nasionál tinan ne’e sei akontese iha fulan Novembru.
“Despaxu Ministerial sai ona kona-ba data ezame nasionál, mak ezame nasionál muda ba fulan Novembru”, informa Ministru Armindo Maia ba jornalista sira iha MEJD Vila Verde, Dili segunda (10/08).

Relasiona ho surtu corona virus, Ministru adianta eskola iha foho balun maka la’o la normal, maibé nia sei buka hatene tanba sá, tanba semana ida eskola dala ida de’it.

“Ha’u foin horisehik fila husi Viqueque no Maliana labarik sira balu dehan eskola semana ida dala ida de’it, ha’u lahatene tanba distánsia sosiál, ou professors mak baruk, lahatene loloos maibé ita sei hare buat ne’e”, Armindo kestiona.

Governante ne’e dehan mezmu situasaun difisil maibé aprendizajen iha TL la’o 50% kompara ho nasaun balun iha mundu.

“Maski situasaun difisil maibé prosesu ensinu aprendizajen bele atinji pursentu 50. Ita hatene nasaun selu-seluk loke tiha hotu taka fila-fali, maibé ita nian kontinua maski kazu covid-19 pozitivu ida”, dehan Armindo.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 254
  • Page views today : 357
  • Total visitors : 78,260
  • Total page view: 109,668

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur