Notísia foun


Timor Post (07/08/2020)- Prezidente Autoridade Rejiaun Espesiál Autónomu Oe-kusi (RAEO) Arsénio Paixão Bano hatete, total funsionáriu Nain-83 ne’ebé nia hasai, sei bolu kuandu presiza
“Kuandu sira ita presiza bolu, se la presiza ita la bolu ona”, Arsénio hatán ba konfirmasaun hosi Jornalista iha Palasiu Governu, sesta (07/08/), relasiona ho funsionáriu ne’ebé hasai iha nia mandatu.

Eis Ministru Solidariedade Social ne’e fó sai katak iha nia gabinete ema labele barak liu, tuir desizaun ne’ebé iha gabinete PA másimu nain-11 ba gabinete sekretáriu rejionál sira hotu másimu nain-4, tanba ne’e susar atu akomoda hotu.

“Ita akomoda hotu funsionáriu 83 ne’e susar uitoan, tanba funsionáriu iha Oe-kusi barak tebes besik 2000 liu, entaun ami tenke uza uluk ida ne’ebé mak forsa iha, sira ne’ebé mak iha tenke tau sira servisu 24 jam, mákina tenke funsiona ho di’ak, se mákina la funsiona presiza oli ka presiza foun, ne’ebé agora sasán sira sei funsiona hotu, no sei esforsu hodi uza ema hotu ba servisu, tanba nasaun selu atu halo servisu ne’ebé hotu-hotu tenke servisu”, aprofunda eis deputadu FRETILIN.

Prezidente Autoridade ne’e subliña katak Oekusi presiza ema hotu atu halo servisu tanba forsa autoridade nian maka povu Oekusi la hare ba kór maibé, hare ba nesesidade. (Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,051
  • Page views today : 1,342
  • Total visitors : 84,898
  • Total page view: 119,149

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur