Notísia foun


Timor Post (03/08/2020)- Governu liu hosi reuniaun Konsellu Ministru estraordináriu segunda (03/08/2020) deside hodi husu ba Prezidente Repúblika Francisco Guterres Lu’olo atu deklara tan estadu emerjénsia ba loron tolunulu tan (EE-dahaat).

“Konsellu ministru iha reuniaun estraordináriu ida delibera atu propoin dala ida tan ba Prezidente Repúblika atu deklara tan estadu emerjénsia ba loron tolunulu”, informa Ministru Prezidensiál Konsellu Ministru, Fidelis Leite Magalhães ba Jornalista sira iha Palasiu Governu, segunda (03/08) loraik ne’e.

Ministru subliña Estadu emerjénsia ida husu agora hare liu ba iha restrisaun ba iha direitu sirkulasaun internasionál, sirkulasaun fiksasaun rezidénsia no direitu ba rezisténsia. Direitu tolu ne’e mak sei hetan restrisaun ho implementasaun ba iha estadu emerjénsia ne’ebé mak governu Primeiru Ministru sei hakerek karta husu Prezidente Repúblika bele deklara estadu emerjénsia.

“Fokus ba restrisaun ba direitu tolu ne’e, atu hatudu katak populasaun sira lalika preokupa tanba atividade loroloron sei la’o baibain buat hotu, ne’ebé mak ita realsa hafoin estadu emerjénsia sei kontinua nafatin maibé nia preokupasaun boot liu mak ba iha sirkulasaun internasionál, fiksasaun rezidénsia no direitu ba rezisténsia” tenik Ministru.

Ministru rekorda katak Nia prosesu, sei ba iha Prezidente Repúblika sei ba fali iha Parlamentu Nasionál ikus maka prezidente foti desizaun.

“Prosesu sira ne’e ita boot jornalista sira hatene nia lala’ok ne’e”, dehan Fidelis.(Jornalista: Jaime Pires

Please follow and like us:

NOTÍSIA FOUN

Site Statistics

  • Users online: 1 
  • Visitors today : 511
  • Page views today : 699
  • Total visitors : 79,022
  • Total page view: 110,766

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur