Notísia foun


Timor Post (29/07/2020)- Ministru Finansas Fernando Hanjam hatete, subsídiu ba jornalista sira nia lista hosi Ministru Asuntu Parlamentár no Komunikasaun Sosiál, lori ba ona maibé seidauk halo pagamentu tanba nia enkuadramentu legal laiha.

“Subsídiu kona-ba jornalista sira nia klaru hosi MAPKOMS lista ne’e ba tiha ona, maibé nu fim enkuadramentu legais sira ita seidauk iha, maibé ohin ami foti ona iha konsellu ministru hodi ita bele hare enkuadramentu legal halo rezolusaun ida hodi kobres sira (jornalista) ninia direitu”, Ministru informa ba jornalista sira iha Palasiu governu, kuarta (29/07).

Ministru realsa ho enkuadramentu legal maka bele hatuur hodi halo pagamentu, maibé ida ne’e la iha labele halo buat ida.

“Enkuadramentu legal ne’e mak laiha, ne’e mak ami tenke hatuur ne’e iha ne’ebá ita paga sira, tanba sira iha direitu atu hetan, sei laiha ami sira halo pagamentu ne’e mak orasida hetan fali problema, tanba enkuadramentu legal ne’e hanesan baze legal ida se laiha ami labele hali buat ida” tenik Eis Ministru Edukasaun.

Maski nune’e ministru fó sai nia parte ko’alia ona iha konsellu ministru, no nia parte mós konfirma ona ho MAPKOMS atu nia rezolusaun ne’e iha hodi bele rezolve ida ne’e.

Hanjam deklara, prosesu ne’e la hanesan ho médiku no F-FDTL no PNTL sira, tanba sira nia enkuadramentu legal ne’e iha, maibé finansas sei rezolve lalais.
“Agora kedan ha’u nia ekipa jurídiku tenke ko’alia ho ekipa jurídiku hosi MAPKOMS nia hodi hare asuntu ida ne’e”, adianta Ministru.

Iha sorin seluk, bainhira konfirma ho Ministru Asuntu Parlamentár no Komunikasaun Sosiál, Francisco Jerónimo afirma nia mantein ho nia pozisaun katak nia defende nafatin jornalista.

“Atu oinsá-oinsá mós ita boot sira fiar nafatin ha’u ba ha’u sei defende nafatin ita boot sira lalika ta’uk”, garantia Ministru.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 185
  • Page views today : 217
  • Total visitors : 240,081
  • Total page view: 346,369