Notísia foun


Timor Post (20/07/2020)—Primeiru Ministru Taur Matan Ruak, Segunda (20/07) konvida dala ida Vise Primeiru Ministru na’in-rua hodi fahe servisu.

Vise-PM no Ministra Solidariedade Sosiál (MSS) Armanda Berta dos Santos halo servisu tau matan ba asuntu Sosiál, Saúde no Edukasaun. No Vise-PM no Ministru Planu Ordenamentu Territorial José Reis, tau matan ba área  transporte no komunikasaun.

“Primeiru Ministru delega podér balun mai ami rua, podér ba Vise Primeira Ministra Armanda Berta asume mak hanesan, edukasaun saúde no sosiál rasik. Mai ha’u nia parte rasik mak fó kompeténsia ba iha area infraestrutura inklui ministériu obras públiku, ministériu transporte no telekomunikasaun, no mós ha’u nia ministériu rasik, ministériu ordenamentu territóriu atu bele halo koordenasaun ne’ebé di’ak liu ho ministériu sira seluk,”  Vise Primeiru Ministru José Reis informa ba jornalista sira hafoin sorumutu iha Palásiu governu, Segunda (20/07/2020).

Esplikasaun hanesan hato’o mós hosi Vise Primeira Ministra, Armanda Berta Dos Santos hafoin remata enkontru ho PM. (Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 1,075
  • Page views today : 1,534
  • Total visitors : 80,327
  • Total page view: 112,615

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur