Notísia foun


Timor Post (14/07/2020)-Deputadu hosi Bankada KHUNTO, Luis Roberto, afirma atu Padre ka Na’i lulik sira hasai tiha batina mak bele mete polítika.

Vice Xefe Bankada Parlamentár Khunto hato’o afirmasaun ne’e hodi hatán ba deklarasaun bankada parlamentár CNRT ne’ebé husu ba membru militár sira ne’ebé halo juramentu ba partidu hasai farda.

“Bankada CNRT foin deklara liu ba ne’e katak F-FDTL ho PNTL lalika halo polítika, se halo polítika signifika hasai farda, ba Amu sira mós hanesan, se Amu sira hakarak halo polítika tenke hasai batina. Ha’u la’ós kontra Jesus, ami Bankada KHUNTO la’ós kontra Maromak”, afirma atuál Vice Prezidente bankada Khunto liu hosi plenária iha parlamentu Nasionál, Tersa (14/07).

Juramentu ne’ebé hemu ho ran ne’e sai preokupasaun nai lulik sira nian tanba tuir uma kreda katak só ran Jesus Kristu nia ran maka bele salva ema, la iha tan ran seluk. Maibé hatán ba preokupasaun ne’e polítiku ne’e halo apelu atu ema ida-idak halo ninia knar.

“Ita ida-idak hatene ita nia papél ne’e mak importante. Ha’u nu’udar Sarani katólika ida ha’u dehan hanesan ne’e, ita ida-idak ho ninia papél, igreja nia papél saida, polítiku nia papél halo saida ida ne’e mak importante” subliña.

Luis mós kestiona tanba sá juramentu ne’ebé halo iha partidu Khunto sai fali mós preokupasaun bankada CNRT ninian.

“Labele lori meiu oioin hodi hatún malu, hodi minimiza malu naun. Ida ne’e mak hakarak ko’alia iha uma fukun ida ne’e”, hakotu Roberto.(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,254
  • Page views today : 1,799
  • Total visitors : 80,506
  • Total page view: 112,880

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur