Notísia foun


Timor Post (13/07/2020)- Banku Dezenvolvimentu Aziátiku (ADB, sigla ingles) apoiu orsamentu $3 Milloes ba governu Timor-Leste hodi ajuda dezenvolve setór Kafé iha Timor-Leste.
Governu Timor Leste ne’ebé reprezenta hosi Ministru Finansas Fernando Hanjam no reprezentante ADB José Pereira segunda (13/07) asina akordu hodi implementa “Timor Leste projetu ba melloria substánsia kafé no agrofloresta iha salaun Ministériu Finansas Aitarak-Laran.

Governante ne’e esplika, akordu ida ne’e ADB sei fornese dollars Amérika milloes $3 ba projetu ida ne’e durasaun tinan haat, hodi suporte ministériu agrikultura no peska no mós asosiasaun kafé Timor-Leste nia esforsu hodi alkansa metas ne’ebé mak estabelese iha planu nasionál ba dezenvolvimentu iha setór kafé.

“Projetu ne’e dezeña ona tuir prinsípiu new deal nian ba country owned-country led, fundu ne’ebé fornese hosi BAD ne’e sei administra diretamente hosi ministériu agrikultura no peska no mós sei uza hodi apoiu atividade karusiais atu mellora setór importante ida ne’e (kafe)”, subliña ministru.

Governante hatutan, hosi apoiu hirak ne’e inklui fornesimentu ba treinamentu no tékniku ba produtividade agrikultór kafé (kafeikultura) dezenvolve sistema nasionál ba klasifikasaun hodi garante kualidade kafé, no mós dezenvolve vinkulus merkadu, ambas nasionais no estranjeiru.

Alende ne’e Ministru informa hosi akordu ne’e atu hadi’a kualidade no hasa’e Venda kafé n tradus ba aumentu rendimentu no mellora kualidade vida agrikultura kafé sira, família sira no komunidade sira, liu hosi apoiu setór kafé, projetu ida ne’e atu mellora vida povu Timor-Leste.

“Governu Timor-Leste orgullu hosi selebra akordu, projetu ba melloria substánsia iha timor leste, kafé no agroflorestasaun”, apresia Hanjam.
Iha fatin hanesan reprezentante ADB José Pereira mós informa akordu asina ne’e atu hare liu kona-ba apoiu tékniku ba dezenvolvimentu kafé nia.

“Orsamentu ne’ebé mai hosi povu Japaun foka liu ba redús pobreza nia maibé jere orsamentu ne’e liu hosi ADB”, hateten Pereira.

Entretantu José akresenta apoiu ne’e hanesan faze primeiru, hanesan intervensaun ba setór kafé nian, lori hare to’ok, se posibilidade atu bele aumenta tan tinan oin, mai maibé agora ne’e hanesan pilotu ida hodi lori posibilidade”, dehan Pereira.

Enkuantu apoiu ne’e ADB mós fó ona asisténsia tékniku atu dezenvolve planu setór kafé nian ba tinan sanulu resin ida mai oin.

“Maneira apoiu mak identifika uma kain agrikultura kafé sira ne’ebé dependente ba iha kafé, atu hadi’a sira nia produtu kafé ne’e halo nusa, tanba sira agora sira ho de’it tradisionál entaun halo nusa mak ita bele halo mudansa sira nia kafé no liga ho merkadu. Ida ne’e mak ita atu foka apoiu ba iha ne’ebá”, subliña ADB.

Enkuantu orsamentu 3 milloens 3 ne’ebé apoiu hosi Povu Japaun, jere hosi ADB ne’e, sei atribui ba agrikultór kafé munisípiu (6) hanesan, Ermera, Manufahi, Likisá, Aileu, Ainaru no mós Manatutu-Laklubar.(Jornalista: Jaime Pires)

Please follow and like us:

Site Statistics

  • Users online: 3 
  • Visitors today : 449
  • Page views today : 619
  • Total visitors : 78,960
  • Total page view: 110,686

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur