Notísia foun

Francisco da Costa Monteiro

Timor Post (08/07/2020)—Konsellu Ministru ezonera tiha ona Prezidente Timor Gap Francisco da Costa Monteiro no nomeia fali António José Loiola de Sousa ba asumi pasta ne’e.

Ministru Prezidensia Konsellu Ministru Fidelis Leite Magalhães haktuir, razaun ezonerasaun ne’e bazeia ba avaliasaun husi Ministériu Petrólium no Rekursu Minerál ba servisu Francisco Monteiro nian durante ne’e.

“Ha’u hanoin ne’e desizaun bazei ba proposta ne’ebé mai depois konsellu ministru halo avaliasaun hodi deside ezonera atual prezidente depois aprova troka ho kandidatu foun António José,” dehan Nia ba Fidelis subliña ba jornalista sira iha Palásiu Governu, Dili, Kuarta (08/07/2020).

Maske nune’e, iha oportunidade, Fidelis husu ba Francisco Monteiro atu kontinua fó nia kontribuisaun ba servisu hotu iha Timor Gap hodi ajuda prezidente foun.

Hatan ba Jornalista sira karik desizaun ba ezonerasaun ne’e iha motivu polítiku, Fidelis subliña, la ko’alia kona-ba assuntu polítiku tanba kestaun ne’e kompeténsia ezekutivu sira nian.

“Ha’u só dehan de’it kompeténsia ezekutivu nia hodi halo desizaun. Ha’u la presiza ko’alia aleide partidu ka oinsá” Fidelis dehan.

Jornalista: Jaime Pires

Please follow and like us:

NOTÍSIA FOUN

Site Statistics

  • Users online: 0 
  • Visitors today : 246
  • Page views today : 342
  • Total visitors : 78,252
  • Total page view: 109,653

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur