Notísia foun


Timor Post (07/06/2020)- Komandante Jerál Polisia Nasionál Timor-Leste (PNTL), Komisáriu Faustino da Costa hatete, partidu ne’ebé de’it polisia la tama.

Faustino hato’o afirmasaun ne’e relasiona ho informasaun mosu katak membru balu tuir juramentu iha partidu.

“Ha’u atu dehan hanesan ne’e, molok atu hare ba regulamentu sira seluk, ita hare uluk ba ita nia Konstituisaun da Repúblika, Polisia Nasionál no Forsa Defeza Nasionál ne’e apartidaria nein atu tama partidu ne’ebé de’it”, Faustino afirma bainhira jornalista konfirma hafoin enkontru ho Primeiru Ministru Taur Matan Ruak, iha Palasiu Governu (06/07).

Lider másimu komandu PNTL nian rekorde iha rezolusaun ida iha tinan balun ba kotuk zero toleránsia ba polisia involve iha arte marsiál ne’e mós agora vale nafatin maski ba kotuk arte marsiál reativa, tanba ne’e kona-ba partidu sé iha provas ita uza de’it ne’e hodi prosesa.

“Loos duni arte marsiál ativa fila fali ona, maibé la signifika polisia mós atu ba tuir fila fali tanba zero toleránsia ne’e la’o nafatin, agora ita ko’alia kona-ba partidária ne’e partidu ne’ebé de’it polisia labele tama, kuandu prosesu ruma ita hare iha provas ruma ita uza ida ne’e de’it”, Komisáriu subliña.

Entretantu  nia informa  enkontru ho Primeiru Ministru Taur Matan Ruak  ko’alia kona-ba vizita Primeiru Ministru ninian ba iha komandu PNTL no situasaun iha rai laran.

(Jornalista: Jaime Pires)

Please follow and like us:

Site Statistics

  • Users online: 5 
  • Visitors today : 890
  • Page views today : 1,096
  • Total visitors : 84,737
  • Total page view: 118,903

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur