Notísia foun


Timor Post (29/06/2020) Komandante Jerál Polisia Nasionál Timor-Leste (PNTL), Komisáriu Faustino da Costa sei halo promosaun, mudansa no rotasaun ba komandante munisípiu no komandante unidade nain  20-resin hodi hadi’a kinerja servisu iha PNTL.

Mais ou menus ema ida hela iha distritu ida, ema ida hela iha unidade ida, kleur liu tinan 2 labele husik demais. Kleur liu nia toman tiha iha fatin ne’ebá ho membru sira ho komunidade sira, nia toman di’ak ona maibé ninia kinerja kerja ida nee maka dala ruma iha efeitu negativu”, hateten Komisáriu Faustino iha Edifísiu Ministériu Interior, Vila-Verde Dili.

Membru PNTL hosi tempu UNTAET ne’e argumenta, ho rotasaun no mudansa, sira ne’ebé maka uluk la iha funsaun agora halo funsaun.

“Balun  iha munisípiu hanesan adjuntu komandante tinan 8 tinan 9, balun hanesan komandante tinan 8 tinan 9, ita labele husik buat ida nee mosu beibeik, Ida nee maka agora ita atu halo mudansa ba munisípiu no unidade sira, ita troka.  Sira ne’ebé uluk la iha funsaun agora halo funsaun”, hatutan Faustino.

Komandante jerál subliña mudansa ida ne’e inisia tiha ona iha 27 Marsu loron aniversáriu PNTL ninian.

“Ita halo ona rotasaun, balun inisia Jullu nian, bele dehan molok fin do ano ita bele kompleta ona estrutura tomak PNTL nian” subliña.

Tuir ajenda mudansa ne’e ofisialmente atu halo hosi Primeiru Ministru no Ministru Interior, Taur Matan Ruak, iha Edifísiu Ministériu Interior Segunda (29/06)ne’e, maibé ajenda refere adia ba tersa fulan ne’e remata.

Jornalista : Jaime Pires

Please follow and like us:

NOTÍSIA FOUN

Site Statistics

  • Users online: 3 
  • Visitors today : 449
  • Page views today : 617
  • Total visitors : 78,960
  • Total page view: 110,684

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur