Notísia foun


Timor Post (22/06/2020)- Governu Timor-Leste liuhosi Ministériu Defeza no Interior (MDI) interinu, hahú iha sesta semana kotuk hasai ona despaxu ba imigrasaun atu loke portaun la sein porsentu, iha rai ketan ho indonézia, Mota-Ain.

“Despaxu ba imigrasaun no parte relevante sira kona-ba fronteira ne’e iha sesta semana kotuk liubá ne’e, atu semana ida loke dala ida iha loron kuarta, durante oras rua”, hateten Ministru Defeza no Seguransa Filomeno Paixão iha entrevista ho jornalista sira iha palasiu governu segunda (22/06).

Kona bá sistema protokolu ba prevensaun surtu koroña virus, Ministru hatete ne’e kompeténsia ministériu relevante.

“Karantena sidadaun sira tama sai ho di’ak, so parte ministériu saúde nia mak bele hatene no esplika klaru kona-ba ida ne’e, maibé iha dekretu lei aplika ona ita tenke loke kada loron kuarta para ema tama no prosesa merkadorias, ida ne’e mak sei hala’o ba oin ona”, Ministru akresenta.

Dezde propagasaun virus koroña la’os, fronteira sai alvu ba prevensaun, nune’e iha estadu emerjénsia faze datoluk estadu kontinua reforsa seguransa iha fronteira. Maibé oras ne’e Governu hahú loke maibé sedauk sein porsentu.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 152
  • Page views today : 213
  • Total visitors : 80,819
  • Total page view: 113,341

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur