Notísia foun


Timor Post (19/06/2020)-Diretora Ezekutivu JSMP, Ana Paula Marçal, hateten maski iha situasaun Estadu Emerjénsia (EE) rekere ema hotu labele halo movimentu normal maibé, JSMP nafatin akompaña prosesu sira iha tribunal no mós iha parlamentu nasionál.

Durante iha estadu emerjénsia daruak nian, JSMP hare katak vítima barak mak mosu liuliu violénsia bazeia ba jéneru tanba ne’e hanoin katak presiza apoiu vítima sira bele asesu ba justisa.

“Iha estadu emerjénsia daruak ne’e JSMP konsege hetan informasaun hosi Polisia Unidade Vulneravel (VPU) hamutuk kuaze kazu 81”, hatete Ana Paula hosi konferénsia imprensa iha sentru informasaun ba Impaktu Covid-19 iha salaun Fongtil Kaikoli, Dili, Sesta (19/06).
Ana Paula justifika ne’e rejista bazeia ba servisu hamutuk JSMP ho VPU (Vulnerable Police United) hosi Munisípiu Aileu, Baukau, Manufahi inklui Rejiaun enklave Oekusi.

Entre kazu ne’e, ne’ebé JSMP akompaña, ajuda vítima lori ba iha ministériu públiku hamutuk kazu 9 ho tipu violénsia seksuál, abuzu seksuál ba menór no violénsia doméstika, hatutan diretora executive.

Parte seluk JSMP observa iha tribunal julga ona kazu hamutuk 77 ne’ebé kazu crime 73 no kazu sivíl 4. Hosi kazu 77 ne’e iha kazu barak mak adia tanba haree katak la’ós tribunal mak lakohi atu halo julgamentu ba sira maibé dala ruma hosi parte sira ne’ebé iha kazu ne’e lakohi mai julga, haktuir diretora ne’e.

Enkuantu iha períodu estadu emerjénsia JSMP observa tribunal la hala’o servisu julgamentu hanesan baibain, maibé halo julgamentu ba de’it kazu urjente sira, hanesan prosesu sumáriu, primeiru interrogatóriu ho kazu ne’ebé refere duni tenke foti desizaun.

“Tribunal halo duni atividade balu maibé la hanesan baibain tanba ema hotu tenke kumpre regra Estadu Emerjénsia”.

Jornalista: Julio Salinas Soares

Editor: Mariano Martins

Please follow and like us:

NOTÍSIA FOUN

Site Statistics

  • Users online: 8 
  • Visitors today : 1,074
  • Page views today : 1,378
  • Total visitors : 84,921
  • Total page view: 119,185

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur