Notísia foun


Timor Post (18/06/2020)—Kondisaun no menus fasilidade servisu iha fronteira la’ós asuntu foun. Maski nune’e atu salva Timor husi propagasaun Pandemic Corona Virus, Unidade Polisia Fronteira (UPF) no FALINTIL-Forsa Defeza Timor-Leste (F-FDTL) kontinua halo operasaun konjuntu la hatene loron no kalan iha liña fronteira rai ho Nusa Tenggara Timur (NTT)-Indonézia.

Atividade patrullamentu ne’e atu detein ema ne’ebé halo movimentu ilegál iha períodu lockdown estadu emerjénsia.

“Ami atu loron ka kalan sempre halo patroliu, atu nune’e hodi evita ema sira ne’ebé gosta tama sai area fronteira liu hosi dalan ilegál”, hatete Komandante UPF Bravo Kovalima, Superintendente, João Batista.

Maski natureza no klima ne’ebé estrema maibé la sai preokupasaun ekipa nian maibé bele la’o ain de’it ho distánsia besik kilu tolu nulu.

“Ekipa konjuntu ne’ebé kompostu hosi UPF no F-FDTL sempre hala’o Patrulamentu la’o ain kuaze kilo metro 24 ou liu iha tempu kalan no loron durante estadu implementa estadu emerjénsia atu asegura no evita ema tama-sai liu hosi dalan ilegál iha liña fronteira”, hatete Baptista.

Nune’e mós Kapitaun F-FDTL Kompañia Delta, Komponente Terrestre Tilomár, Helio Quintas, rekoñese  kooperasaun serbisu entre F-FDTL ho UPF  la’o di’ak iha Patrulamentu konjunta iha liña fronteira.

“Ekipa konjuntu ida ne’e la’o  bazeia ba diretiva hosi ministériu defeza hodi fó apoiu ba seguransa iha liña fronteira entre Timor-Leste ho Indonézia”, hatete Quintas.

Jornalista: Julio Salinas Soares

Editor: Mariano Martins

Please follow and like us:

NOTÍSIA FOUN

Site Statistics

  • Users online: 4 
  • Visitors today : 164
  • Page views today : 194
  • Total visitors : 73,096
  • Total page view: 101,452

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur