Notísia foun


Timor Post (18/06/2020) –  Bankada opozisaun CNRT admira ho governu laiha dadus maibé barani atu halo pagamentu subsídiu ba uma kain.

“Mekanizmu saida mak ita boot sira atu bele resolve reklamasaun hirak ne’e sera ké reklamasaun hirak ne’e mosu mak ita boot sira mai husu tan osan iha parlamentu atu aprova, ida ne’e hatudu momoos katak governu inkapasidade tanba laiha dadus maibé barani halo pagamentu ba família uma kain sira”, kestiona deputada Bankada CNRT, Maria Gorru Mali Barreto, iha audiénsia públiku ho Ministériu Solidariedade Sosiál no Inkluzaun (MSSI) iha Parlamentu Nasionál, Kuarta (17/06).

Gorru Mali Barreto dehan reklamasaun iha distribuisaun pagamentu mosu barak tebes tuir CNRT nia observasaun iha area rurais hamosu problema família balu hela iha (uma) coast governu la konsidera, saláriu mínimu naran laiha, saláriu $ 500 ba leten naran iha fali subsídiu.

Eis Komisaria ba Direitu Labarik ne’e akresenta MSSI ne’ebé lidera hosi feto maluk na’in rua maibé la tau kestaun sensivel jéneru ba ema.

“Ita haree iha pagamentu ne’e feto maluk sira ne’ebé isin rua, ferik no katuas sira ne’ebé la’o atu labele mos sei forma iha loro manas laran la haruka sira tama uluk hodi simu subsídiu refere” , dehan Barreto.

Hatan ba preokupasaun deputada nian Vise Ministra Solidariedade Sosiál, Signi Sandrawati Verdial, dehan governu iha dadus uza referénsia tuir dekreta lei ida ne’ebé uza dadus uma kain bazeia ba senses.

“Ita hotu hatene katak bazeia ba sensus ne’e iha 214.000 de’it tan ne’e ita atualiza fali dadus foun agora ministériu estatal hatama mai mak fahe tiha 318.000, uza ida ne’e mak hodi halo pagamentu”, hateten Signi Sandrawati.

Signi rekoñese katak mosu duni injustisa balu, maibé nia informa katak kuaze porsentu 80 populasaun moris ne’e mukit rendimentu menus $5 loron ida, sira ne’ebé hetan rendimentu $500 ba leten ne’e iha pursentu 20 de’it.

Jornalista: Julio Salinas Soares

Editor: Mariano Martins

Please follow and like us:

NOTÍSIA FOUN

Site Statistics

  • Users online: 1 
  • Visitors today : 170
  • Page views today : 222
  • Total visitors : 78,176
  • Total page view: 109,533

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur