Notísia foun


Timor Post (17/06/2020)-Provedora Prevedoria Direitu Umanus no Justisa (PDHJ-sigla Portugés), Jesuína Ferreira Gomes, marka audiénsia Prezidente Parlamentu Nasionál, Aniceto Guterres, hodi entrega relatóriu annual 2019 PDHJ nian.

Hafoin remata enkontru ba jornalista Jesuína informa iha durante tinan 2019 PDHJ rejista keixa hamutuk 230.

“Ohin ami mai audiénsia no entrega relatóriu annual ba atividade  2019 nian ba Prezidente Parlamentu Nasionál tanba tuir estatutu katak antes 30 de Juñu cada ano, PDHJ tenke hatama nia relatóriu annual mai iha parlamentu nasionál, nune’e parlamentu bele emenda ba iha diskusaun plenária. Iha tinan 2019 PDHJ rejistu keixa hamutuk 230, keixa 99 ligadu ho violasaun direitus umanus  no 131 liga ho violasaun boa governasaun”, hatete Provedora PDHJ, Jesuína, Kuarta (17/6).

Jesuína hatutan hosi keixa 230 ne’e loke ona ba prosesu investigasaun hamutuk 102, kazu 56 ba violasaun direitu umanus no 46 violasaun boa governasaun.

Enkuantu iha tinan 2019 PDHJ konklui relatóriu investigasaun final ho rekomendasaun hamutuk 12, rekomenda ba ministru relevante hanesan ministériu interior, PNTL, ministériu administrasaun estatál,  ministériu edukasaun Juventude no desportu no ministériu sira Seluk.

Jornalista: Julio Salinas 

Editor: Mariano Martins

Please follow and like us:

NOTÍSIA FOUN

Site Statistics

  • Users online: 3 
  • Visitors today : 61
  • Page views today : 69
  • Total visitors : 72,993
  • Total page view: 101,327

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur