Notísia foun

Imajen ne’e hatudu Hafoin Xanana fila husi Kovalima, kontinua hala’o vizita ba Komunidade kbiit laek sira iha Suku Komoro. Foto Espesial

Timor Post (08/06/2020)—Akademista atuál Reitór Universidade da Paz (UNPAZ), Adolmando Amaral afirma, prezensa Líder Karismátiku Kayrala Xanana Gusmão iha komunidade nia leet la’ós buka votus, maibé sai líder tenke hakbesik a’an ba povu iha tempu susar no terus nia laran.

Adolmando subliña, normal ba sé de’it maka konsidera Xanana nia asaun hakbesik a’an ba povu ne’e hanesan buka votus, maibé ba nia prezensa líder nasionál no ukun na’in sira importante tebes iha povu nia leet hodi haree ho matan kondisaun ne’ebé povu enfrenta.

“Ita labele ko’alia arbiru hodi dehan Líder Karismátku Xanana  ba iha munisípiu hodi hakbesik-an iha komuidade nia leet ne’e ba halo asaun karidade, la’ós ba buka votus atu hodi kompete iha eleisaun jerál 2023 mai ne’e,” Adolmando ba Timor Post iha nia kna’ar fatin UNPAZ, Manleuana, Dili.

Nia hatutan, líder polítiku sira bele haree ida ne’e husi olklu polítiku nian, tanba eleisaun ba Prezidensiál no Parlamentar besik dadauk ona.

Entretantu iha loron (05/06/2020), Líder Nasionál Kayrala Xanana Gusmão aranka husi Dili ba Suai-Kovalima hodi hamutuk ho emprezáriu rai ne’ebá nian tulun komunidade kbiit laek ne’ebé foin lalais ne’e hetan impaktu husi dezastre naturál liuliu ba komunidade Suai Loro maioria depende ba tasi no durante Estadu aplika Estadu Emerjénsia sira buka moris difisil tebes.

Tuir dalan ba Suai-Kovalima, Xanana iha Ainaro hasoru malu ho komunidade sira hodi haree ho matan sira nia moris no fahe mós nesesidade báziku ba sira ne’ebé moris difisil tebes.

Iha loron 08/06/2020, Xanana fila hikas ba Dili no kontinua hala’o vizita ba komunidade sira iha Suku Komoro.

Jornalista: Julio Salinas Soares

Please follow and like us:

NOTÍSIA FOUN

Site Statistics

  • Users online: 1 
  • Visitors today : 431
  • Page views today : 590
  • Total visitors : 78,942
  • Total page view: 110,657

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur