Notísia foun


Mestre Pe. Júlio Crispim, Drs, Ldto, Mdpri

(Jurista no Akademista)

Konseitu “Viabiliza Governu”, nudar konseitu politika-juridiku nee, karik sei foun los; tanba, iha ciencia politika ka ciencia juridika no iha legislasaun vigente (KRDTL no Lei sira), ita buka LA HETAN (sentidu teoriku).

Hare husi nia sentidu real (sentidu pratiku) neebe adopta dadaun iha RDTL hodi soluciona impasse potilika, bele hare husi sentidu rua; (1) husi sentidu exkluzaun – katak, viabiliza governu nee signifika mantein Partidu Politiku ruma (PLP no KHUNTO) hodi exklui (sentidu negativu) tiha Partidu Politiku balun (CNRT, UDT ho FM) ba hikas opozisaun maski uluk halo parte iha formasaun governu aktual, la sura ho Partidu Politiku ruma (PUDD) neebe sei iha nanis ona opizisaun; (2) husi sentidu inkluzaun – katak, viabiliza governu nee signifika mantein Partidu Politiku ruma (PLP no KHUNTO) hodi inklui (sentidu positivu) fali Partidu Politiku balun husi opozisaun (Fretilin ho PD) neebe uluk la halo parte iha formasaun governu aktual.

Ideia Viabiliza Governu nee, hare husi prinsipiu ANALOGIA hodi kaer ba nia sentidu no konteudu pratiku refere, iha ita nia kazu konkretu, hahu husi faktu sira akontese iha PN (kompozisaun Meja PPN, V-PPN, S-PN no VS-PN) too ba faktu sira akontese iha Governu (kompozisaun PM, V-PM, M, V-M, SE), bele konsidera katak iha deit IDENTIDADE ho faktu FORMASAUN GOVERNU ida husi Aliansa Maioria Parlamentar (AMP) Pós-Eleitoral, la iha identidade ruma ho faktu formasaun governu husi AMP pré-eleitoral.

Identidade entre faktu Viabiliza Governu ho faktu Formasaun Governu husi AMP pós-eleitoral nee, só bele justifika juridika-konstitusionalmente, wainhira aplika KRDTL art. 106.º n.º 1, 2.ª parte (norma hipotetika dijuntiva) neebe dehan PM indigita husi Aliansa Maioria Parlamentar ba pratika viabilizasaun refere, labele aplika nafatin KRDTL art. 106.º n.º 1, 1.ª parte (norma hipotetika dijuntiva) neebe dehan PM indigita husi Partidu mais votadu (signifika mos koligasaun mais votadu); de faktu, Viabiliza Governu nee, PM indigita tuir KRDTL art. 106.º n.º 1, 1.ª parte, katak PM indigita husi AMP pré-eleitoral, maibe nia Membro Governo sira propoen tuir KRDTL art. 106.º n.º 2 konjuga ho 106.º n.º 1, 2.ª parte, katak propoen husi AMP pós-eleitoral.

Husi entendimentu logika-normativu nee, ba norma hipotétika disjuntiva ida, wainhira aplika ona hipotese ida, hipostese seluk labele aplika tan ona. Nunee, iha kazu Viabiliza Governu nee, de faktu, hipotese rua nee POLITIKU sira aplika hotu kedas; nunee, la tuir ona SENTIDU no ESPIRITU norma hipotetika disjuntiva neebe preve iha KRDTL art. 106.º n.º 1 nee; katak, wainhira aplika ona norma hipotetika 1.ª parte (AMP pré-eleitoral), sei la aplika tan ona norma hipotética 2.ª parte (AMP pós-eleitoral); katak, wainhira la iha ona possibilidade atu aplika norma hipotetika 1.ª parte, mak bele aplika norma hipotética 2.ª parte (de faktu, iha ita nia kazu konkretu, ita nia Politiku sira aplika hotu kedas hipotese normativa rua nee, tan deit desizaun politika neebe lakohi obedese ba KRDTL).

Iha ita nia kazu, Viabiliza Governu nee, AMP pré-eleitoral aplika ona KRDTL art. 106.º n.º 1, 1.ª parte, maibe nia MONU iha dalan klaran no la iha ona possibilidade atu aplika nafatin KRDTL art. 106.º n.º 1, 1.ª parte; konsekuentemente, AMP pós-eleitoral tenki aplika fali KRDTL art. 106.º n.º 1, 2.ª parte; maibe, de faktu, too agora AMP pós-eleitoral ladauk iha indikasaun forte ruma atu aplika KRDTL art. 106.º n.º 1, 2.ª parte nee.

Husi hanoin hirak nee, atu dehan deit, bele hahu ho movementu politiku iha PN, maibe wainhira iha ona rezultadu maioria parlamentar foun ida no ba hakarak ba halao funsaun iha organ soberania RDTL, tenki iha nia enkuadramentu konstitusional. Katak, Viabiliza Governu nee, hetan nia fundamentu iha “Plataforma Entendimentu” (hanesan ho paktu politiku ka akordu politiku ida) nudar FAKTU POLITIKU ida neebe subordina ba rezultadu MEJA REDONDA, produtu husi inisiativa no exersisiu papel PR nian tuir KRDTL art. 74.º, maibe resultadu negosiasaun nudar produtu interesse nasional nee atu introduz ba FUNSAUN konkretu iha Órgaun Soberania RDTL (art. 67.º KRDTL) tenki SUBORDINA ba Konstituisaun no Lei sira (art. 2.º n.º 2 KRDTL);

Pergunta ba deit ita hotu nia reflexaun: Viabiliza Governu nee, konstitusional ka inkonstitusional …? Ida-idak bele hatan rasik deit ba … no, bele buka rasik nia fundamentu legal no konstitusional ba …!

 

REFERÉNSIA BIBLIOGRAFIKA

CANOTILHO, J.J. Gomes. Direito Constitucional e Teoria da Constituição, 6Ed. Almedina: Coimbra, 2012.

CUNHA, Paulo Ferreira. Direito Constitucional Aplicado, Viver a Constituição, a Cidadania e os Direitos Humanos. Quid Juris: Lisboa, 2007.

GOUVEIA, Jorge Bacelar. Direito Constitucional de Timor-Leste. Gráfica de Coimbra, LDA.: Coimbra, 2012.

MIRANDA, Jorge. Manual de Direito Constitucional, Vol. II, Tomo III e IV. Coimbra Editora: Coimbra, 2010.

MIRANDA, Jorge. Manual de Direito Constitucional, Vol. III, Tomo V, VI e VII. Coimbra Editora: Coimbra, 2010.

PEREIRA, António Pinto. Princípios Gerais de Direito, 1.ª Ed., Coimbra Editora: Coimbra, 2013.

VASCONCELOS, Pedro Carlos Bacelar. Constituição Anotada, República Democrática de Timor-Leste. Empresa Diário do Minho, Lda.: Braga, 2011.

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,060
  • Page views today : 1,355
  • Total visitors : 84,907
  • Total page view: 119,162

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur