Notísia foun

Jose Reis

Timor Post (06/06/2020)-Posibilidade Prezidente Repúblika Francisco Guterres Lú Olo sei fó tan posse ba membru governu foun hamutuk na’in-12 inklui Adjuntu Sekretáriu Jerál FRETILIN assume pasta Vise Primeiru Ministru trata assuntu Planu Ordenamentu.

Ba Timor Post fonte kredivél haktuir, lista ba membru sira ne’ebé propoen husi Primeiru MInistru Taur Matan Ruak atu simu posse tama ona iha Palásiu Prezidensiál no parte ne’e prepara dadauk ajenda tentativa ba tomada de posse iha loron Segunda ba oin.

Tuir mai lista membru hirak ne’ebé atu simu posse:

  1. José Reis, Vise Primeiru Ministru i Ministru Planu Ordenamentu (VPM-MPO)

  2. Adalgisa Magno, Ministra Negósiu Estranjeiru no Koperasaun (MNEK)

  3. Armindo Maia, Ministru Edukasaun Juventude no Desportu (MEJD)

  4. José Lucas, Ministru Turizmu Komérsiu no Indústria (MTKI)

  5. Vitor Conceição Soares, Ministru Petróleum no Rekursu Naturál (MPRN)

  6. Leovegildo dos Santos, Vise Ministru Komérsiu no Indústria (VMTKI) VMTCI

  7. Inácia Teixeira, Vise Ministra Turizmu (VMT)

  8. Lino de Jesus Torrezao, Vise MInistru Administrasaun Estatal (VMAE)

  9. Elizário Ferreira , Sekretáriu Estadu Koperativa (Secoop)

  10. Abrão Saldanha, Sekretáriu Estadu Juventude no Desportu (SEJD)

  11. Julião da Silva, Vise Ministru Negósiu Estranjeiru (VMNEK)

  12. Joaquim Amaral sei assume kargu espesial iha Primeiru Ministru nia okos ba Koordenasaun Assuntu Ekonómiku.

Entretantu ba pasta Ministru Edukasaun Juventude no Desportu (MEJD) tuir lista inísiu prienxe husi Lurdes Besa husi Partidu Demokrátiku (PD) maibé mosu fali lista ikus Armindo Maia husi FRETILIN maka okupa hikas pasta ne’e.

Posibilidade sei iha tan tomada de pose ba membru foun seluk hodi prienxe fatin ne’ebé sei mamuk ka atualmente interinu hela inklui Ministru Interior no seluk tan.

Antes ne’e, iha loron 28/05/2020, membru na’in-8 mak simu ona posse inklui Armanda Berta, Vise Primeiru Ministru; Fidelis Magalhães antes ne’e Ministru Reforma Lezislativa Assuntu Parlamentar  (MRLAP) asumi fali pasta Ministru Prezidénsia Konsellu Ministru troka Agio Pereira.

Fernando Hanjam (FRETILIN) Ministru Finansas; Odete Belo  (FRETILIN) Ministra Saúde, Pedro Reis (FRETILIN) Ministru Agrikultura i Peskas; Meta Malik (PD) Ministru Veteranos i  Antigu Kombatente; Miguel Carvalho Pereira (FRETILIN) Ministru Administrasaun Estatal no Francisco Jerônimo (FRETILIN) Ministru Assuntu Parlamentares no Komunikasaun Sosiál. (cao)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 248
  • Page views today : 344
  • Total visitors : 78,254
  • Total page view: 109,655

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur