Notísia foun


Timor Post (05/06/2020)—Líder Nasionál Kayrala Xanana Gusmão aranka husi Dili ba Suai-Kovalima hodi hamutuk ho emprezáriu rai ne’ebá nian tulun komunidade kbiit laek ne’ebé foin lalais ne’e hetan impaktu husi dezastre naturál liuliu ba komunidade Suai Loro maioria depende ba tasi no durante Estadu aplika Estadu Emerjénsia sira buka moris difisil tebes.

Tuir dalan ba Suai-Kovalima, Xanana iha Ainaro hasoru malu ho komunidade sira hodi haree ho matan sira nia moris no fahe mós nesesidade báziku ba sira ne’ebé moris difisil tebes.

Xanana to’o iha Suai ba hasoru kedas komunidade sira iha Suku Suai Loro liuliu iha Aldeia Talutu, Lantolu, Weboot. Hafoin  ne’e Xanana ba vizita mós suku seluk iha Munisípiu Kovalima.

Deputada CNRT, Carmelita Moniz nu’udar mos Kovalima oan ba Timor Post haktuir, simplesmente Maun Boot ba hamutuk ho sira halibur hamutuk hodi fó tulun ba komunidade sira ne’ebé laiha liu ai-han hodi augenta ba hein apoiu husi governu.

“Ami tau hamutuk osan uitoan hodi sosa sasan nesesidade báziku uitoan hodi hakman netik komunidade ne’ebé susar liu,” Carmelita dehan. Toni Lopes, Expoza Lino Lopes no Suai oan balu tan mak halibur hamutuk hodi hala’o inisiativa karidade ida ne’e.

Tuir observasaun haktuir, Xanana hasoru malu ho komunidade sira entusiazmu no saudades tebes. Xanana ba kompriementa no haksolok hamutuk, koalia no buka hatene liutan komunidade sira nia problema ne’ebé durante ne’e hasoru.

Asaun karidade ne’e Xanana sempre hala’o iha fatin-fatin. Xanana durante estadu emerjensia Xanana halibur emprejariu no ema ne’ebé iha kbiit hodi fó apoiu ba ema kbiit laek sira, iha Dili no munisípiu sira.  (cao)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,261
  • Page views today : 2,117
  • Total visitors : 74,193
  • Total page view: 103,375

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur