Notísia foun


DILI—Eis Prezidente Repúblika Kayrala Xanana Gusmão, iha loron  Sábadu  (30/05/2020) ho nia ekipa fó apoiu nesesidade báziku ba komunidade kbiit laek kuaze na’in-20 ne’ebé identifika husi membru Ofisial Polísia Suku (OPS) servisu hamutuk ho autoridade lokal sira iha Munisípiu Manatuto.

Xanana halo asaun karidade ne’e ba iha Manatuto liuliu komunidade kbiit laek ne’ebé identifika iha Suku sira mak hanesan Maabat, Uailili, Aiteas no seluk, tanba inisiativa membru polísia sira liuliu Komandante Polísia Nasionál Timor Leste (PNTL) Munisípiu Manatuto Superintendente Polisia Júlia da Gama.

Iha oportunidade fahe sasan nesesidade báziku ba komunidade sira, Xanana dezafia membru Polísia Nasionál Timor Leste (PNTL) atu aleinde kumpri lei no órden maibé mós buka atu fó tulun ba komunidade kbiit laek sira liuliu ba sira ne’ebé susar tebes ba aihan iha periodu krusiál nia laran.

“Ami la’ós lori buat barak maibé lolo liman uitoan,” Xanana dehan. Ho asaun ne’ebé iha hatudu inisiativa di’ak tebes hahú mosu husi membru polísia sira liuliu ho espíritu Komandante Júlia da Gama nian ho buka dalan hotu atu hetan apoiu ba nia komunidade sira.

Xanana husu atu membru polísia sira servisu hamutuk nafatin ho autoridade komunitáriu sira ho kbiit ne’ebé iha bele tulun malu iha suku no aldeia sira.

Xanana nota Komanadnte Júlia da Gama iha vontade di’ak tebes no fó basa liman ba nia ho nia membru sira hotu.

Iha Manatuto, Xanana hala’o vizita mós ba kazerna Komandu PNTL Munisípiu Manatuto.

Entretantu Komandante Júlia da Gama subliña, nia organiza asaun ida ne’e tanba nu’udar ema moris hamutuk ho komunidade sira la’ós de’it halo implementasaun ba lei no órden ne’ebé haree liu ba krime sira, maibé mós haree ba servisu protesaun ba vida umanitáriu.

“Ha’u la’ós tau a’as de’it implementasaun lei no órden ne’ebé haree liu ba krime sira, maibé ha’u mós haree kona-ba servisu protesaun ba vida umanitária nian,” Komandante Júlia hatete ba Jornalista sira.

Júlia da Gama fó agradesimentu boot ba Xanana Gusmão nu’udar aman ida ba povu tomak fó resposta duni ba pedidu sira nian hodi lori apoiu nesesidade báziku ba komunidade kbiit laek sira ne’e.

“Momentu ne’eba ha’u haree ita nia Avo fahe hela nesesidade báziku ba ema kbiit laek sira, entaun ha’u aprejenta ba ha’u nia xefe polísia komunitária halo programa i ha’u hasoru duni Avo no hetan duni resposta pozetivu tebes,” Komandante Júlia haktuir. (cao)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,124
  • Page views today : 1,454
  • Total visitors : 84,971
  • Total page view: 119,261

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur