Notísia foun


“Jerusalem, Jerusalem,

o nebe oho profeta sira,

o nebe tuda ho fatuk ema sira nebe Na’i haruka ba o!

Dala hira ona mak Ha’u hakarak halibur hamutuk o

nia oan sira, hanesan manu inan halibur nia oan sira

iha nia liras okos, maibe o lakohi !”  Mateus 23:37

Lautém (1995), ha’u rona bebeik sidade Jerusalem iha kapela liu husi sagrada escritura. Iha orasaun dos fieis nai-lulik ho sarani Kristaun Katoliku tomak reza nafatin; ba povu Israel no Palestinianu sira atu moris ho dame iha Jerusalem, reza mós ba paz iha mundu rai klaran no espesialmente paz iha rai Timor. Ba labarik tinan nen (6) iha tempu ne’eba, hau sei lembra memoria ida ne’e, maske moris iha ambiente funu (okupasaun Indonesiu 1975-1999) maibe povu Timor Leste hasae orasaun ba Maromak atu rai seluk bele hetan paz no dame.

Konkista Jerusalem

Arkeologu sira ke’e sai fila fali faktus istoriku sidade Jerusalem nian nebe ema hakoi ona tinan rihun ba rihun. Ezistencia sidade Jerusalem suporta ho evidensia arkeolojia, hanesan fragmentu fatuk nebe hakerek kona-ba uma kain Liurai David nian “House of David” (the Tel Dan Stele, 8-9 BCE), eskavasaun arkelojiku descobre sidade nebe Liurai David nia oan (Solomon) hari’i no evidensia antigu nian nebe hakerek husi Babilonia  bainhira kaptura sidade Jerusalem (Ancient Babilonian Chronicle recording the capture of Jerusalem on the 16Th of March, 598 BCE), Babilonia mak harahun templu nebe liurai Solomon hari’i (Babylon 606-538 BCE) no kaer Judeu sira no lori forsadu sai husi Israel “forcebly exile”. Reinu Persia nia konkista (Medo Pesia 538-331 BCE), Babilonia monu ba mediu persia nia liman, iha periodu ne’e mak liurai Cyrus autoriza Judeu sira fila hikas ba Israel no permite atu hari’i hikas fali templu iha Jerusalem “second temple”  (Cyrus Cylinder 539-530 BCE), nafatin deit, Jerusalem monu husi liman ida ba liman seluk (Alexander the Great, Greek 331-168 BCE) husi imperador ida ba imperador seluk, (Roman 168 a.C – 476 CE) no ikus mai forsa romanu sira harahun tiha templu iha Jerusalem (demolish second temple 70 CE).

Funu Relijiaun iha Jerusalem

Kalifa Islam (First Muslim Period 638-1099 CE) lansa ofensiva iha mediu oriente,  (Omar Caliphate 638 CE)  Umar mak kalifa islam nebe tama Jerusalem, iha periodu ida ne’e mak Islam hari’i meskita (Mosque, Dom of the Rock 691 CE) iha area templu nian. Kalifa Islam trata sidadaun naun-musulmanu tama iha kategoria segunda klase, no implementa lei Islam hodi obriga ema Judeu no Kristaun sira selu taxa“Jizya”  ba Kalifa. Tamba atitude husi Kalifa Islam nian iha mediu oriente liu-liu mal-tratu hasoru Kristaun no peregrinu Kristaun sira susar tebes atu asesu ba sitiu sagradu “sacred site” iha cidade Jerusalem, nune’e iha Sekulu 11 too sekulu 13 Kristaun iha Europa desidi lansa (Crusaders) kontra atake no hadau sidade Jerusalem husi Islam. Salah al-Din (Saladin 1138-1193) fundador dinastia Ayyubid  (dinastia Ayyudid kobre area Ejiptu no Siria, gradualmente to’o irake modernu) koñesidu hanesan kampeaun iha mundu Islam tamba lansa propaganda funu ideolojia relijiaun Islam “Jihad”  no atake forsa Kristaun hodi hadau malu Jerusalem. Forsa muslumanu mak dismantela tiha muro Jerusalem (Muslim caliph 1250-1516), hafoin Imperador Ottoman  hari’i fila-fali muro no re-establese lei Islam iha Jerusalem (Ottoman Empire 1516-1917). To’o  funu mundial dahuluk (1922-1984) mak Forsas Britaniku assume fali kontrolu iha Israel (British Mandate 1917) .

Istoria atesta katak rai Israel inklui sidade Jerusalem husi sekulu ba sekulu, sai fatin funu, fatin halerik no fatin ba Judeu sira hahi’i Maromak. Ho estadu Israel nebe moris iha tempu modernu, uniku pais nebe nakloke ba mundu ho sistema demokratiku liu iha mediu oriente. Israel mak uma nebe seguru liu ba identidade nasional ema Judeu nian ho lian offisial Ebreu “Jewish national identity” . Kestaun Jerusalem, Estadus Unidu da Amerika (2017)  mak nasaun primeiru nebe offisialmente rekoñese sidade Jerusalem hanesan kapital estadu Israel. Hanesan Estadu, saida mak ita espresa no saida mak Timor Leste kontribui hodi resolve konflitu iha mediu oriente ?

“Kestaun Internasional tuan (…) Palestina, Timor Leste Tenke ajuda buka nafatin solusaun ida nebe pasifika metin ba bebeik no sustentavel liu husi dialogu.”  Maio 20, 2020 Presidente da Republika Francisco Guterres Lú-Olo.

Oinsa ho futuru Estadu Israel iha mediu oriente ?

TIMOR LESTE METE FUNU MEDIU ORIENTE  KA

APOIA SOLIDARIEDADE BA POVU PALESTINA ? Parte II>>> Kontinua.

_______

Referensia :

  1. https://www.jewishvirtuallibrary.org/timeline-for-the-history-of-jerusalem-4500bce-present
  2. https://www.youtu.be.com/iMrtTQi_Erk

Hakerek nain : Koro Silva

Estudante City of Oxford College

Mobile : +44 7435 589595

Please follow and like us:

Site Statistics

  • Users online: 2 
  • Visitors today : 162
  • Page views today : 227
  • Total visitors : 80,829
  • Total page view: 113,355

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur