Notísia foun


DILI—Hafoin tensaun entre deputadu sira iha Uma Fukun Parlamentu Nasionál (PN) iha loron 18-19/05/2020, Eis Primeiru Ministru Rui Maria de Araújo nu’udar membru Komité Sentrál FRETILIN (CCF sigla Portugués) manda mensajen ba grupu Whatsapp D-CCF.

Rui Araújo klarifika, mensajen ne’e hanesan reflesaun ne’ebé sirkula internalmente iha Grupu Whatsapp, maibé ema balun maka lekar tiha no adversáriu polítiku sira uza hodi fó impresaun katak kontra Sekretáriu Jerál FRETILIN, Marí Bim Amude Alkatiri.

“Sim, ha’u maka hakerek maibé reflesaun ne’ebé sirkula internamente iha WA ami nia grupu Dinamizadores CCF. Balun maka lekar tiha no agora adversáriu sira uza atu fo’o impressaun katak ha’u konfronta Marí Alkatiri. Ha’u esplika ona katak ha’u prontu assume responsabilidade ba buat ne’ebé ha’u hakerek,” Rui Araújo ba Jornalista Timor Post..

Tuir mai mensajen Rui ne’ebé lekar ona iha Públiku:

“Kalan diak Cda sira hotu ne’ebe halibur malu iha D-CCF. Ho haraik-aan hakarak agradese Cda sira hotu ninia felisitasaun, ba hau nia loron moris. Ohin loron hau halo “autoquarentena” atu reflete diak liu tan kona-ba ita nia postura política. Camarada sira, ita precisa halo política ho princípio, moral no ética. Se lae ita la foo valor ba líderes sira hotu ne’ebe sai mártir durante luta libertacao, especialmente lider imortal Nicolau Lobato. Ita labele usa meios naran ida, maski la ético no imoral, tamba deit ita tenki alkansa poder. Dalan sei la naruk ba ita wainhira ita adopta métodos maquiavelicos iha ita nia komportamentu político. Dalan atu lori Povu ba libertasaun husi mukit ho kiak sei naruk, no ita labele lao sala dalan. Tamba ita lao sala dalan, maka ita ukun nunka too rohan, no ita nunka hetan biban ne’ebe diak atu Liberta Povo. Tempo too ona atu D-CCF lori hikas FRETILIN ba dalan ne’ebe loos! Hakuak bo’ot ba Cda sira hotu”.

(cao)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,180
  • Page views today : 1,687
  • Total visitors : 80,432
  • Total page view: 112,768

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur