Notísia foun


DILI—Aldeia tolu mak hanesan Weberec, Wesar no Sarin, Suku Dotic, Postu Administrativu Alas, Munisípiu Manufahi durante  Timor-Leste Ukun Rasik-An tinan 20 liu ona seidauk asesu ba ahi-eletrisidade.

Liuhusi komunikadu ba imprensa ne’ebé komunidade sira husi Aldeia Weberec dirizi ba Timor Post, Kuarta 13/05/2020 haktuir, Suku Dotic ba to’o Aldeia Weberec besik 5 Kilo Meter. Tuir Sensus Uma Kain 2015, komunidade Aldeia Weberec populasaun besik rihun ida resin, total uma Kain Familia Atus Hat resin.

Sira husu ba governu sentral ho governu lokál Munisípiu Manufahi atu labele halo diskriminasaun ba ninia komunidade sira. Aldeia Weberec mos uluk ukupasaun Indonesia nia tempu, luta makas ba Timor-Leste nia ukun rasik-an.

“Iha tempuk uluk tinan 1998, komunidade Aldeia Weberec mos hetan torturasaun husi Militar Indonesia nian (Militer KOPASUS). Tamba militar Indonesia sira hakarak buka ita nia militar FALINTIL dehan subar-an iha Aldeia Weberec, Wesar no Sarin. Sim los duni, uluk Aldeia Weberec iha ita nia maun sira FALINTIL sira hamutuk duni ho komunidade Aldeia Weberec iha momentu ne’ebá mak hanesan maun FALINTIL ho kodegu “TERA MAU BULAK” ho nia Ekipa FALINTIL sira seluk hamutuk maun sira rede Clandestina sira. Iha tinan 2018 liubá, maun Taur Matan Ruak mos mai halo vizita ona toba kalan ida iha Aldeia Weberec ne’e hamutuk ho komunidade. Liga ba realidade Estado Emerjénsia ne’ebé akontese iha ita nia rai doben Timor-Leste kona-bá moras pandemia Corona Virus Disease 2019 (COVID-19) fatin seluk hetan pulsa ahi Eletridade de Timor-Leste (EDTL) 15.000 dollar Amerika kada uma kain ida. Maibé oinsa ho ami komunidade ne’ebé mak ahi EDTL seidauk asesu kada uma kain ida? Ida ne’e mos Governu halo diskriminasaun ba nia komunidade rasik,” deklara iha komunikadu ba imprensa ne’ebé asina husi Porta Voz Komunidade Aldeia Weberec, Benycia Sarmento

Ho nune’e komunidade Aldeia Weberec rekomendasaun ba Estado ka Governu maka tuir mai ne’e:

  1. Rekomenda ba Primeiro Ministro VIII Governu Konstitusional, Taur Matan Ruak atu hare didiak preokupasaun komunidade Aldeia Weberec, Wesar, no Sarin nian problema ahi EDTL ne’ebé mensiona iha leten.
  2. Rekomenda ba Primeiru Ministro VIII Governu Konstitusional, Taur Matan Ruak fó orientasaun ona ba Ministro das Obras Pública, Sr. Salvador Soares do R. Pires atu orientasaun ba Ekipa Tekniku sira MOP nian haruka Compania ida ne’ebé atu ba dada ahi EDTL ba komunidade Aldeia Weberec, Wesar no Sarin tamba komunidade terus liu tinan barak ona.
  3. Rekomenda mos ba Chefe do Suku Dotic, atu la bele halo simu kompania barak, tamba tinan hirak liubá ahi EDTL atu tama ona maibé Chefe Suku Dotic halo kanselamentu kompania refere. No husu Maun Veteranus sira labele halo impedementu ho kompania sira seluk, lae ami povu mak terus.
  4. Rekomenda mos ba Primeiro Ministru VIII Governu Konstitusional, Taur Matan Ruak fó orientasaun ba Ministro do Transporte e Telecomunições, Sr. José Agostinho da Silva atu hare ka haforte tan rede ka hari tan antena foun Timor-Telecom, Telkomcel, Telemor ba aldeia Weberec nune’e komunidade sira seluk bele asesu diak.
  5. Rekomenda mos ba Prezidente Autoridade Munisípiu Manufahi, atu identifika Suku ka Aldeia ida ne’ebé mak seidauk asesu ahi Eletrisidade, Estrada rural, rede Telekomunikasaun nune’e bele relata relatóriu ba Governu Sentral ka Governu Nacional iha Dili.
  6. Rekomenda mos ba Prezidente Radio Televisaun Timor-Leste (RTTL.EP), Sr.Francisco da Silva Gari aumenta tan frekuensia Radio Timor-Leste (RTL) ka Radio Comunidade Manufahi iha Weberec, Wesar no Sarin.

(cao)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,225
  • Page views today : 2,050
  • Total visitors : 74,157
  • Total page view: 103,308

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur