Notísia foun


DILI—Peimeiru Ministru (PM) Taur Matan Ruak deklara governu grande inkluzaun hodi nune’e mantein funsionamentu to’o tinan 2023.

Nune’e, mantein membru governu sira husi Partidu CNRT no anunsia ona membru governu foun hamutuk na’in-neen mak hanesan, Fernando Hanjam, Ministru Finansas(MF); Meta Malik, Ministru Antigus Kombatetes (MAK); Odete Maria Freitas, Ministra Saúde (MS); Faustino Cardoso, Ministru Administrasaun Estatál (MAE); Manuel Vong, Ministru Turizmu Komersiu Industria (MTKI) no Inácia Texeira, Vise Ministra Turizmu Komersiu Industria (VMTKI).

“Governu hakarak kompleta ninia membru governu, iha tempu badak naran hotu mak sua exelénsia Prezidente Repúblika hodi toma pose, tanba governu ne’e la’o besik tiha tinan rua la’o ho roda tolu de’it, entaun ha’u hakarak kompleta tan,” Taur subliña ba Jornalista sira iha Palásiu Prezidensiál Bairu-Pite, Dili, Kinta (30/04/2020).

Tuir nia, governu daualuk la halo remodelasaun, maibé halo kompleta membru governu ne’ebé seidauk iha.

“Atu halo kompleta de’it membru governu sira ne’ebe sei dauk iha, hanesan ita boot sira hatene, uluk governu toma pose na’in sia mak la hetan pose,” nia dehan

Eis prezidente repúblika ne’e mós afirma katak, membru governu husi CNRT mantein iha governu daualuk.

“Ha’u horseik ko’alia ho sira, katak polítika ne’ebé ami uza, hodi defende mak konkluzaun, entaun ha’u kontense servisu ho sira durante tinan ida resin, sira kontinua servisu nafatin, maibe depende ba sira,” nia dehan

Primeiru minustru mós dehan, bainhira membru governu husi partidu CNRT mak rejigna aan, ha’u sei prienxe ho seluk.

“Se sira mak husu, ha’u laiha dalan seluk, se sira rejigna aan, ha’u labele halo buat ruma, agora hasai ha’u la hasai,” hatete Taur. (kyt)

Please follow and like us:

NOTÍSIA FOUN

Site Statistics

  • Users online: 6 
  • Visitors today : 1,225
  • Page views today : 1,841
  • Total visitors : 71,231
  • Total page view: 98,335

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur