Notísia foun


DILI—“Governu sei garante kualidade, tanba ita hatene ita mós iha métodu atu bele utiliza ekipamentu sira ne’e, la’os ita atu jenaraliza sasan sira ne’e laiha kualidade, tanba ekipamentus sira ne’e rasik hatun hosi avião mós desinfekta kedas hosi ita nia pessoal saúde sira.” subliña iha komunikadu offisial husi Ministériu Saúde ne’ebé Timor Post asesu iha loron Kuarta (29/04/2020), relasiona ho akujasaun sira iha publiku katak ekipamentu mediku husi Xina laiha kualidade no nasaun barak mak lakohi utiliza.

Ekipamentus médiku ne’ebé apoiu hosi Governu Xína to’o iha Timor-Leste ho avião CITILINK iha tuku 4 loraik OTL.

Ekipamentus médiku ne’ebé ofrese maka hanesan, Maskara 82000, roupa proteje isin lolon (Protective Gowns) 4400, maskara taka oin 4440, kobre sapatu (shoe covers) 4400, luvas 5000, Thermometer Scan 80 no ventiladór portable hamutuk 90.

Ministru Saúde Interinu iha entervista hatete, Governu Xína hanesan parseiru ida ne’ebé antes ne’e fó ona nia kontribuisaun ba povu Timor-Leste tanba ida ne’e liga ho pandemia surtu COVID-19.

“Apoiu hirak ne’e importante tebes ba ita Timor-Leste tanba agora ita enfrenta hela surtu COVID-19. Apoiu sira ne’e fasilita hosi povu no Governu Xína no sasan sira ne’e ho kualidade. Apoiu sira ne’e ita bele distribui ba iha fasilidade saúde liu-liu ba pessoal saúde sira atu bele halo protesaun ba sira nia a’an rasik hodi nune’e bele fó resposta ba surtu Covid 19 ne’e rasik.”

Ministériu Saúde iha responsabilidade atu distribui no bazeia ba regra hosi Organizasaun Mundiál Saúde (OMS/WHOTL) ne’ebé aplika ona iha ba pilar importante sira atu bele asegura nafatin kualidade.

Akompaña mós iha sermónia termu entrega ne’e hosi Diretóra Jerál Prestasaun Saúde Dra. Odete da Silva Viegas ekipa hosi Sentru Integradu Jestaun Krise.

Minístru Saúde Interinu Bonifácio Maucoli dos Reis hamutuk ho Ministru Negosiu Estrangeiru no Kooperasaun Dionisio Babo, Ministru Transporte no Telekomunikasaun José Agostinho da Silva, Reprejentante Organizasaun Múndial Saúde iha Timor-Leste Rajesh Pandav, mak simu doasaun ekipamentu médiku sira ne’e husi Governu Repúblika Populár Xína liu hosi Embasador Xína iha Timor-Leste Xiao Jiangue iha Aeroportu Internasionál Nicolau Lobato, Komoro, Dili. (cao)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,002
  • Page views today : 1,423
  • Total visitors : 197,720
  • Total page view: 285,679

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur