Notísia foun


DILI—Portuguésa na’in rua ne’ebé ida nia rejultadu teste fó sai husi laboratórium iha loron Segunda (20/04/2020) pozitivu no ida seluk provavel, iha loron Tersa (21/04/2020) ida estatutu provavel ne’e muda ba pozitivu.

Liuhusi konferénsia ba imprensa iha Sala de Situasaun iha Sentru Konvensaun Dili (CCD), Porta Vóz Sentru Integradu Jestaun Krize (SIJK), Doutór Sérgio Lobo haktuir, total kazu pozitivu 23 ne’e inklui mós na’in ida ne’ebé rekopera ona iha loron 10/04/2020.

Entretantu, Doutór Sérgio informa, Timor Leste rejista suspeitu ba COVID-19 hamutuk 361. Husi númeru ne’e, na’in-254 negativu, na’in-23 pozitivu, na’in-4 provavel no hein rejultadu husi laboratórium na’in-80.

Ema hirak ne’ebé hetan pozitivu kategosia ba grupu neen, inklui grupu husi Hotel Katuas, Hotel Fortuna, Hotel Novo Horizonte, Hotel Lecider, Hotel Timing no Likisá.

Doutór Sérgio dehan, médiku sira tau atensaun maka’as ba kazu husi Likisá, maibé atualmente seidauk iha transmisaun lokál iha Likisá, aleinde na’in-rua ne’ebé hetan ona pozitivu ne’e.

Iha okajiaun, Doutór Rui mós informa, ema ne’ebé sei iha kuarentena hamutuk 518. Númeru ne’e la konta ho ema na’in-101 ne’ebé sai ona husi kuarentena iha loron 21/04/2020, inklui na’in-83 sai husi kuarentena fasilidade governu nian iha DIli, husi Oekusi sai na’in-17 no husi Ainaro sai na’in-1.

Husi totál ema atualmente iha kuarentena na’in-518 ne’e inklui fali ema foun tama kuarentena na’in-20 iha Tibar tama husi fronteira inklui na’in ida tama ilegál, no ema na’in-20 tama husi Portu Dili ho ró-ahi no membru polísia ida mak tama hotu kuarentena. (cao)

Please follow and like us:

Site Statistics

  • Users online: 0 
  • Visitors today : 368
  • Page views today : 429
  • Total visitors : 77,744
  • Total page view: 108,894

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur