Notísia foun


BAUKAU—Komfrontu entre membru Arte Marsiál Kmanek Oan Rai Klaran (KORK) no Ikatan Kera Sakti (IKS) iha area Samagia suku Tekinomata, Postu Adminstrativu Laga, Munisípiu Baucau, Segunda (20/4/2020) to’o Loron Tersa (21/04/2020) rezulta uma rua hetan sunu mutuk, karreta rua rahun no ema na’in-rua hetan kanek todan.

Via telefone ba Timor Post, Komandante Polísia Eskuadra Laga, Primeiru Sarjentu Duarte Belo (Soru), Tersa (21/4/2020) haktuir, motivu husi konfrontu tanba kontinuasaun kazu asaltu malu entre grupu Arte Marsiál rua ne’ebé akontese iha fulan Fevereiru liu ba.

Tuir kronolojia, iha oras meiudia, joven na’in-rua asaltu hodi ta’a  vítima ida iha parte ulun no sona iha kabun., depois de akontesementu ne’e parte polísia eskuadra too kedas iha fatin akontesementu  hodi atua problema no lori kedas vítima ba iha sentru saúde postu Laga. Hafoin ne’e, iha fali loron tuir mai iha madrugada tuku lima ho balun kontinua asaltu malu too rezulta uma hela fatin rua hetan sunu motuk no karreta rua hetan baku rahun enkuantu nain ida  hetan hana ho rama Ambong iha parte liman laran.

“Akontesimentu ne’e halai fali ba kór IKS ho KORKA ne’ebé mak uluk dia um de Fevereiru akontese,” Komandante Polísia Eskuadra Laga, Primeiru Sarjentu Duarte Belo (Soru) haktuir.

Nia dehan, polísia salva ona vítima sira husi insidente ne’e no kaptura ona suspeitu balun maibé seluk halai lakon.

“Oras ne’e dadauk ami iha terenu hela halo aprosimasaun liuhusi autoridade sira, xefe suku, xefe aldeia, veteranu para joven sira ne’ebé halo asaun bele entrega-án,” Duarte haktuir.

Iha tempu hanesan pesoal saúde iha sala emerjénia Mario Belo atual pontu vogal HOREX  Baukau, haktuir, nia parte halo ona tratamentu ba vítima nain rua  ho inisial MB (50) ne’ebé hetan taa no sona no vítima FDC (40) ne’ebé heten hana  ho rama ambong iha parte liman laran. (gut)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,385
  • Page views today : 2,332
  • Total visitors : 74,317
  • Total page view: 103,590

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur