Notísia foun


DILI—Komandu Polísia Nasionál Timor Leste (PNTL) toma ona medida ba membru ida ne’ebé durante ne’e akompaña transferénsia pasiente sira  husi fatin kuarentena ba fatin izolamentu Vera Kruz no halo kontaktu ho pasiente balun.

Medida ne’ebé Komandu PNTL foti maka lori membru ne’e ba hatama ona iha fatin kuarentena.

Komandante Jerál PNTL, Komisáriu Polósia Faustino da Costa haktuir, medida ida ne’e komandu foti atu prevene propagasaun pesti corona (COVID-19) ba membru seluk no ba membru sira nia família no bele da’et ba komunidade sira.

Faustino dehan, membru ne’e la hatudu sintoma sira hanesan COVID-19 nian, maibé komandu tetu no konsulta ona ho membru ne’e atu kumpri lai kuarentena durante loron 14.

“Ami ko’alia didi’ak ona no ami nia membru ida agora tama iha kuarentina, ita la koa’lia kona-ba deskonfia sintomas, maibé tanba de’it prosesu ida lori maluk sira iha kuarentina tama sai ne’e mak ikus mai iha situasaun balun ke ami ko’alia nune’e membru ne’e ita lori ba karentina,” Faustino ba jornalista sira iha Komandu Jerál PNTL Kaikoli, Tersa (21/04).

Tuir informasaun ne’ebé Timor Post hetan haktuir, parte laboratórium foti ona amostra husi membru polísia ne’ebé tama ona iha kuarentena iha loron hirak liu ba. (res)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,422
  • Page views today : 2,282
  • Total visitors : 71,428
  • Total page view: 98,776

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur