Notísia foun


DILI—Prezidente Repúblika, Francisco Guterres Lú Olo, marka ajenda ba Kuarta (22/04/2020) prezide reuniaun ho Konsellu Estadu no Konsellu Superior Defeza no Seguransa (KSDS) hodi rona hanoin sira kona-ba proposta Governu ba estensaun estadu emerjénsia.

Estadu emerjénsia ne’ebé Prezidente Repúblika dekreta iha 27 marsu sei remata iha 26 abril 2020. Haree ba situasaun surtu COVID-19 iha Timor-Leste ho kazu konfirmadu hamtuk 22, no rekuperadu 1, Governu hato’o proposta estensaun estadu emerjénsia nu’udar dalan di’ak liu ba prevensaun no kombate moras at ne’e.

Governu propoin estensaun estadu emerjénsia ba fulan ida tan, hahú husi 27 abril-26 maiu 2020.

Governu hatama proposta estensaun estadu emerjénsia  atu fó protesaun ba saúde públika iha Repúblika Demokrátika Timor-Leste.  Tanba coronavirus nu’udar pandemia  nune’e presiza medida preventiva lalais atu la hadaet moras at ne’e babeibeik no hamate ema barak.

Liuhusi komunikadu ba imprensa husi Palásiu Prezidensial, Tersa (21/04/2020) haktuir, hafoin rona hanoin sira husi Konsellu Estadu no Konsellu Superior Defeza no Seguransa, Prezidente Repúblika sei foti desizasaun.  Molok dekreta estadu emerjénsia, Prezidente Repúblika sei husu autorizasaun husi Parlamentu Nasionál. Bainhira Parlamentu Nasionál autoriza, Prezidente Repúblika sei dekreta estadu emerjénsia.

Prezidente Repúblika iha 27 marsu deklara estadu emerjénsia ho fundamentu hadook ema hotu-hotu ne’ebé hela iha Timor-Leste husi kalamidade públika ne’ebé mosu husi COVID-19. Deklarasaun estadu emerjénsia abranje territóriu nasionál tomak.

Pandemia COVID-19 iha Estadu Membru ASEAN ninian hadaet ema liu 27 mil no ema mate liu rihun ida. Mundialmente, iha ema hamutuk 168 mil ne’ebé mate no hadaet ba ema liu 2 miloens. (cao)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 1,257
  • Page views today : 2,111
  • Total visitors : 74,189
  • Total page view: 103,369

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur