Notísia foun


DILI—Embaixador foun Japaun nian ba Timor Leste, Kinefuchi Masami entrega karta kredensiál ba Prezidente Repúblika Francisco Guterres Lú Olo, iha loron Tersa (07/04/2020), iha Palásiu Prezidensiál Nicolau Lobato, Bairro-pité, Dili.

Entrega karta kredensiál ne’e nu’udar koñesimentu embaixador foun Japaun nian ba prezidente repúblika hodi kontinua servisu diplomata ne’ebé nasaun rua hala’o ona no afirma komitmentu sira ba futuru.

Embaixador Kinefuchi Masami troka Eis Embaixador Hiroshi Minami.

Embaixador Kinefuchi Masami  moris iha loron 28 Outubru 1958. Nia hahú servisu iha Ministériu Negósiu Estranjeiru Japaun iha tinan 1983. Iha tinan 1999 nia sai responsavel Dahuluk Sekretáriu Embaixada Japaun iha Pakistaun, i iha tinan 2000 nia hanesan Konsilleru iha Embaixada iha rai ne’eba.

Durante ne’e nia asumi pasta diplomata oioin to’o Fevereiru 2020 nia hetan konfiansa ba sai Embaixador Extraordináriu i Plentipotensiáriu Japaun ba Timor Leste.

Relasaun bilaterál entre nasaun rua, hahú iha tinan 2002, Timor Leste ho Japaun hala’o kompromísu oioin no asina akordu sira inklui iha tinan 2011 Japaun fó nia kontribuisaun maka’as ba Timor Leste liuliu iha dezenvolvimentu rekursu umanu, no dezenvolvimentu fíziku sira tuir Planu Estratejia Dezenvolvimentu Nasionál Timor Leste nian (PEDN 2011-2030).

Japaun nia ajénsia iha Timor Leste hanaran JICA, durante ne’e hala’o mós akordu barak ho governu Timor Leste liuliu iha kooperasaun iha area Agrikultura i Dezenvolvimentu Rurál, Infraestrutura no Rekursu Umanus. (cao)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,033
  • Page views today : 1,465
  • Total visitors : 80,285
  • Total page view: 112,546

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur