Notísia foun


DILI—Dekretu prezidensial kona-ba ezonerasaun tama iha vigor iha loron 3 Abril 2020. Katak, hahú iha loron ne’e Vise Ministra Kuidadu Saúde Primária, Élia Antonia dos Reis Amaral la’ós ona hanesan membru governu ba governu daualu lideradu Primeiru Ministru Taur Matan Ruak.

Prezidente Repúblika (PR) Francisco Guterres Lú Olo liuhusi dekretu prezidensiál númeru 30/2020, 3 Abril, seita pedidu Primeiru Ministru Taur Matan Ruak kona-ba ezonerasaun Vise Ministra Kuidadu Saúde Primária, Élia Antonia dos Reis Amaral.

Dekretu ne’e Primeiru Ministru hato’o pedidu ne’e ba Prezidente Repúblika, tuir fonte kredivél Timor Post haktuir tanba, relasiona ho atetude negativu governante ne’e dezde hasoru krize pandemia coronavirus (COVID-19) no iha loron Kinta (02/04/2020) fó informasaun ba públiku liuhusi konferensia ba imprensa hafoin membru Sentru Integradu Jestaun Krize (SIJK) COVID-19, Doutór Rui Maria de Araújo hato’o uluk ona, no hatudu dadus la hanesan hodi provoka konfuzaun iha públiku.

Antes ne’e Élia defende katak, SIJK nu’udar ekipa tékniku ne’ebé hala’o de’it servisu, maibé informasaun hotu-hotu tenke fó sai ofisialmente husi Ministériu Saúde.

Maske nune’e, liu tiha loron ida ‘konfruntu’ ne’e mosu, Primeiru Ministru iha loron 3/04/2020 mak foin fó kompeténsia ba Doutór Rui Araújo nu’udar portavoz iha sala jestaun krize. (cao)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 755
  • Page views today : 1,137
  • Total visitors : 73,687
  • Total page view: 102,395

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur