Notísia foun


DILI—Governu liuhusi Ministru Transporte no Komunikasaun José Agostinho da Silva halo klarifikasaun kona-ba operasaun aviaun tama iha Timor Leste durante estadu emerjénsia, katak, sei iha vou (semo) dala ida kada semana iha loron Domingu.

Desizaun governu ne’ebé fó sai iha loron Tersa (31/03/2020) ne’e vigora/berlaku ba Air Lines hotu.

“Objetivu ne’e para oinsá ita bele fasilita timoroan sira iha liur bele mai, ita suspende sidadaun estrajeiru sira ne’ebé atu tama mai Timor, mas sidadaun timoroan sira ne’ebé mak iha estrajeirus sira atu fila mai Timor,” subliña iha komunikadu offisial ne’ebé Timor Post asesu iha loron Kuarta (01/04/2020).

Iha komunikadu ne’e hatutan, governu labele suspende mas limita ninia vó tanba rekoñese sei iha timoroan barak Inonezia, traballador sira iha estrajeiru ne’ebá hanesan Korea do Sul, Inglatera, Irlanda, Austrália no fatin sira seluk hakarak fila mai Timor.

“Aviaun sei iha ba sira mas ne’e tuir oráriu ne’ebé iha ona semana ida semo dala ida. Mas bainhira sira to’o iha Aeroportu labele falla hodi kontrolu no parte saúde sei haree ida ne’e,” subliña iha komunikadu ne’e.

Maske nune’e, públiku sujere ba governu bele loke fali vou maibé tenke iha data limitasaun (deadline) katak, bainhira to’o iha data ne’e governu tenke halo ona suspensaun atu labele tanba ema ida rua bele sakrifika fali ema barak. Nune’e mós bele hatudu katak governu iha duni seriedade ba prevene pandemia COVID-19 tama iha Timor Leste. (cao)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 96
  • Page views today : 108
  • Total visitors : 73,028
  • Total page view: 101,366

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur