Notísia foun


DILI—Ekipa médiku sira sei hasai amostra husi sidadaun liu atus lima ne’ebé hetan sintoma COVID-19 iha kuarentena.

Husi amostra ne’ebé iha mak foin ba halo teste iha laboratórium no fó sai rejultadu maka bele hatene ema ida pozetivu ou lae hetan atake virus corona (COVID-19).

Diretora Jerál Prestasaun Saúde Ministériu Saúde, Odete da Silva Viegas, informa, nia seidauk hetan númiru serteja maibé iha kuarentena balun liuliu iha kuarentena Tibar maka iha ona timoroan balun ne’ebé hatudu iha sintoma COVID-19.

“Ema sira ne’ebé mak hela iha kuarentena balun hatudu ona sintoma, ha’u seidauk hatene ema na’in-hira, maibé balun iha sintomas.” Odete ba jornalista sira, hafoin reuniaun dahuluk interministerial, domingu (29/03), iha Sentru Konvensaun Dili (CCD sigla Portugués).

Odete dehan, sidadaun timoroan balun ne’ebé mak dezenvolve sintoma ne’e, husi Kuarentena Tibar. Tanba ne’e orienta ona ekipa hodi hasai amostra hodi lori ba halo teste.

Odete dehan, Laboratóriu Nasionál Saúde (LABNS), iha ona kapasidade hodi teste ran, depois mak haruka ba halo konfirmasaun iha Australia.

“Ita orgullu tanba ita nia laboratóriu bele halo ona servisu ida ne’e. Ita iha microbiologista sira husi Australia apoiu hela ita nia tékniku laboratóriu sira no ita nia timoroan sira ne’ebé agora expert iha duni laboratóriu, hanesan senor Ismael no Nivio, sira fila fali mai para apoiu ita nia laboratóriu,” Odete afirma.

Odete deklara, timoroan no estranjeiru sira ne’ebé mak daudaun ne’e asegura iha kuarentena, hamutuk atus lima resin.

Otél kuaze sanulu no edefísiu INAP ho Sentru Domin Tibar mak uza on aba kuarentena. (jry)

Please follow and like us:

NOTÍSIA FOUN

Site Statistics

  • Users online: 7 
  • Visitors today : 886
  • Page views today : 1,296
  • Total visitors : 82,859
  • Total page view: 116,339

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur