Notísia foun


Afirmasaun global konabá asuntu bee 2020’ divulga atu selebra
Loron Mundial Bee tinan 2020

WaterAid Timor-Leste apelu asaun urjente husi governu Timor-Leste no komunidade internasionál atu inklui bee no saneamentu seguru iha sira nia planu hodi enfrenta impaktu husi mudansa klimátika.

Atuálmente populasaun besik 300,000- 22% iha Timor-Leste seidauk iha bee bomba báziku ka bee moos besik sira nia uma, no situasaun ida ne’e halo susar tebes sira atu enfrenta impaktu husi mudansa klimátika ne’ebé kontinua sai ameasadu.

WaterAid nia análize global ba asesu ba bee On the frontline: The state of the world’s water 2020 ezamina oinsá mudansa klimátika halo susar liu tan populasaun iha nasaun sira ne’ebé kiak liu iha mundu ne’ebé espera atu bele konsume bee moos loron-loron, no ilustra mós montante finansiamentu klimátika atuálmente ne’ebé gastu iha nasaun ida ne’e hodi ajuda sira enfrenta impaktu mudansa klimátika.

Ema hotu presiza bee atu moris. Asegura katak ema hotu iha bee-matan seguru ne’ebé dependente bá iha kualkér iklima, ida ne’e hanesan defeza vital dahuluk hodi kontra mudansa klimátika ne’ebé kontinua sai ameasadu. Impaktu imediata no komún bele sente liu husi bee – rai maran maka’as, mudansa iha volume tasi, inundasaun no anin boot akompaña ho udan boot no rai lakan, buat hirak ne’e hotu sai ameasadu ba ema atu asesu ba bee seguru.

WaterAid apelu ba Timor-Leste atu inklui planeamentu oinsá bele fornese servisu agua no saneamentu ligadu ho reziliensia klimátika iha Kontribuisaun Determinada Nasional ka NDC (Nationally Determined Contribution) – dokumentu ne’ebé prodús husi Akordu Paris konabá Alterasaun Klimátika ka Paris Agreement on Climate Change no iha ninia Planu Adaptasaun Nasional. Ida ne’e estabelese baseline ba nasaun ne’ebé bele dezenvolve fonte ba asesu global finansiamentu klimátika.

Timor-Leste sai hanesan nasaun ba dala 25 vulneravel ba mudansa klimátika – entre 15% iha mundu – simu $25.80 kada ema, kada tinan iha fundu klimátika nian. Ida ne’e atu halo mitigasaun – utiliza ba redusaun emisaun karbonu – no adaptasaun – redús impaktu alterasaun klimátika. Enkuantu nasaun sira ne’ebé ladún kontribui ba emisaun global, sira mak la preparadu atu hasoru efeitu sira, tan ho orsamentu ki’ik oan ne’ebé aloka ba asuntu refere atu ajuda sira. Médiu husi total ema iha Timor-Leste akuntavel ba emisaun 0.4 tonelada métriku karbonu dióksidu tinan-tinan – kompara ho emisaun ba kada kapita médiu iha Estadus Unidus ho emisaun 16.5 tonelada métriku.

Iha mundu tomak populasaun besik millaun 800 mak la asesu ba bee moos besik iha sira nia uma, enkuantu ema hamutuk bilaun rua la asesu ba bee ne’ebé livre husi kontaminasaun, ne’ebé bele fó risku maka’as ba sira konabá moras transmitidu husi bee no kauza mate.

Iha 2050, estimasaun númeru populasaun enfrenta problema atu asesu ba bee maizumenus fulan ida dala ida, bele aumenta ba bilaun lima iha mundu tomak – 50% husi total populasaun globalmente.
Asesu ba bee moos ne’e partikulármente vulneravel tebe-tebes tanba alterasaun klimátika aumenta presaun konabá rekursu bee ne’ebé trasa tiha ona ho infrastrutura ne’ebé la adekuadu, jestaun rekursu bee ne’ebé ladi’ak no menus orsamentu ka fundu husi governu.

Deskobrimentu Xave:

  • Metade husi nasaun sira ne’ebé hetan orsamentu menus husi $5.20 iha fundu klimátika ba kada ema, kada tinan atu ajuda sira enfrenta krize alterasaun klimátika.
  • 5% de’it husi fundu klimátika ne’e gastu hodi ajuda nasaun sira ne’ebé halo adaptasaun ba mudansa klimátika. No fundu ki’ik liu tan ida ne’e gastu ba nasaun sira ne’ebé vulneravel liu, sei menus iha servisu vital sira hanesan bee moos, ne’ebé fó risku ba ema biloens nia vida.
  • Metade husi nasaun ne’ebé populasaun liu 10% la asesu ba bee moos besik sira nia uma hetan menus husi 84 centavus kada ema, kada tinan iha fundu klimátika ba adaptasaun servisu bee, saneamentu no ijiene (BESI)
  • Nasaun sanulu ne’ebé ho númeru ki’ik populasaun asesu ba bee moos besik sira nia uma hetan médiu USD $1 kada ema, kada tinan fundu klimátika ba BESI – no Madagascar, iha ne’ebé kuaze metade husi total populasaun la asesu ba bee moos besik uma, hetan de’it USD 17 kada ema, kada tinan.

Justino da Silva, Diretór País WaterAid Timor-Leste hateten katak:

“ Laiha ema ida bele moris sem bee moos. Laiha ema ida bele moris di’ak se sira tenke luta hodi hetan ida ne’e. Maibé agora daudaun, ita nia alterasaun klimátika difikulta ema mak moris iha nasaun probreza sira iha mundu ne’ebé daudaun ne’e luta hela atu hetan bee moos.

WaterAid nia relatóriu hatudu katak fundu uitoan los gasta hodi ajuda ema vulneravel sira ne’ebé halo adaptasaun ba impaktu husi mudansa klimátika ne’ebé fo risku ba saúde no ema millaun resin nia moris. Governu tenke rekoñese ninia papél importante ba bee moos hodi ajuda populasaun sira ba reziliensia alterasaun klimátika no servisu atu responde ameasa urjente agora nune’e ita nia futuru jerasaun sira bele moris ho seguru no saudavel.”  

 
FINÁL

Please follow and like us:

NOTÍSIA FOUN

Site Statistics

  • Users online: 7 
  • Visitors today : 476
  • Page views today : 598
  • Total visitors : 79,728
  • Total page view: 111,679

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur