Notísia foun


DILI—Mosu inséndu ka ahi han fatin imprime loja ida ho naran Brother ne’ebé didin ho kalen lokalija iha Fatuhada, Dili, iha loron Kinta (19/03/2020). Liu minutu hirak nia laran Bombeiros to’o kedas iha fatin maibé tanba ahi lakan maka’as sasan barak mak la aproveita.

Tuir sasin sira haktuir motivu husi inséndiu ne’e tanba sirkuitu eletrisidade. “Ami iha oin hotu, derepente ahi mate, maibé la to’o minutu ida moris fali, lansung sira iha kotuk mós hakilar mai. Entaun ami mós halai ba kotuk, ami la hatene ahi han husi ne’ebé derepente gudang iha kotuk mós ahi lakan boot tiha ona. Ami atu salva mas labele ona tanba ligasaun ho listrik,” haktuir Romédios Amaral nu’udar traballador iha Loja Brother ba Timor Post iha fatin akontesimentu.

Remédios haktuir, akontesimentu ne’e iha lorokraik maizumenus iha oras tuku ida liu.

Entretantu iha fatin hanesan Komandante Korpu Bombeirus, Fernando da Costa ba Timor Post haktuir, nia parte simu informasaun husi komunidade sira no aranka kedas ba fatin akontesimentu, maibé to’o iha ne’eba ahi lakan maka’as ona.

Fernando konsidera inséndiu ne’e kategoria ho volume kiik tanba nia ekipa konsege hala’o servisu iha minutu 25 nia laran de’it.

Nia dehan, investigasaun ne’ebé sira halo haktuir inséndiu ne’e tanba sirkuitu eletrisidade.

“Na realidade ami too iha fatin akontesimentu ami halo investigasaun uitoan kona-ba inséndiu refere, kerdijer ke nia mosu husi motivasaun serkuitu  elektrisidade,” Fernando hatete.

Entretantu Moises de Jesus Amaral, Responsabilidade Marketing mós haktuir, inséndiu ne’e kauza husi serkuitu eletrisidade.

“Situasaun ne’e ha’u rasik laiha fatin ha’u sai hela derepente ha’u simu telefone katak ahi han loja ne’e  mak ha’u mós halai mai haree ahi mós lakan boot los ona no ami la konsege salva sasán sira iha laran,” Moises dehan.

Nia inforna sasán ne’ebé ahi han mak hanesan mákina printer banner ida, tiner printer, mákina printer kamizola sira no sasán seluk tan ba imprime nian.

To’o noísia ne’e públika Timor Post seidauk hetan konfirmasaun husi parte polísia kona-ba investigasaun kontinuasaun ba motive husi inséndiu ne’e.

Tuir observasaun Timor Post iha tereinu haktuir, kuaze oras ida nia laran mosu engrafamentu iha area ne’eba. (cio/res)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 168
  • Page views today : 207
  • Total visitors : 138,816
  • Total page view: 198,626

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur