Notísia foun


DILI—Domingu (15/03/2020) laiha selebrasaun misa hanesan semana-semana iha Kapela Bidau Lecidere Nossa Senhora do Rosario tanba tahu nakonu iha kapela ralan impaktu husi udan boot iha loron Sesta (13/03/2020) halo inundasaun iha Dili laran liuliu iha área ne’eba.

“Ami aviza ona ba sarani sira ba misa lai iha kapela ka igreja ne’ebé besik. Parese semana oin maka misa fali iha ne’e,” Armando Marques nu’udar responsavel ida iha Kapela Bidau ba Timor Post via telefone.

Relasiona ho situasaun ne’e, Armando haktuir, sira organiza malu ona ho autoridade lokál sira hamutuk ho sarani iha área ne’eba halo limpeza daudauk.

Udan boot iha loron sexta ne’e iha Dili marka volume boot liu iha tinan 2020.

Mota boot lima ne’e simu udan ben maka’as husi foho sira haleu Dili, konsege sobu komunidade sira nia uma, edefisiu publiku sira liuliu Palásiu Prezidensial Nicolau Lobato, Bairro-pite, Dili.

Kauza ida boot husi udan ben no mota halai la tuir nia dalan tanba dranajen iha Dili laran kloot liu, liuliu iha ponte Bekusi ne’ebe kloot halo foer intupidu no mota tenke nakfakar sai husi ponte leten no sasorut komunidade sira nia uma. Situasaun hanesan akontese iha Bekusi tun ba ponte Maufelu ba to’o Bidau nian. (cao)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 789
  • Page views today : 957
  • Total visitors : 84,636
  • Total page view: 118,764

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur