Notísia foun


DILI—Ministériu Saúde anúnsia ona rejultadu teste ba italianu ne’ebé sai suspeitu ba virus Corona ka COVID-19 negativu. Entretantu governu liuhusi servisu interministerial kontinua konsidera Suku Tibar, Postu Administrativu Bazartete, Munisípiu Likisá liuliu iha Sentru Klibur Domin nu’udar karantina ba antisipa vítima sira husi virus perigozu ne’e.

Vise Ministra Saúde ba Kuidadu Saúde Primária i Ministra Saúde Interina, Élia dos Reis Amaral, lihusi konferénsia ba imprensa, Tersa (10/03/2020) infroma, amostra husi italianu ne’ebé haruka ba teste iha LaboratóriuRoyal iha Darwin, Northern Territory Austrália, depois de halo análiza Laboratóriu hatudu negativu. Nune’e to’o agora Timor-Leste laiha kazu ba COVID-19.

Tanba ne’e, Élia husu ba populasaun hotu atu labele pániku tanba Ministériu Saúde halo hela esforsu atu akompaña sistuasaun ne’e no husu ba komunidade atu koopera, kolabora ho Ministériu Saúde hamutuk ho komisaun liñas interministeriais ne’ebé estabelse husi despacho Primeiru-Ministru Taur Matan Ruak atu halo serbisu máximu hodi asegura i proteje populasaun tomak iha Timor-Leste husi COVID-19.

Vise Ministra mós husu ba populasaun tomak atu mantein ijiene pesoal, fase liman bebeik ho sabaun, mear ou fani tenki taka ibun, manten distánsia metru ida husi ema ne’ebé konstipasaun, tein na’an, modo ou ikan halo tasak mak bele haan no husu atu labele kumprimenta malu hanesan kaer liman no seluk tan i atu uza meius seluk hanesan uza liman sikun, taka liman no hakruk ba malu.

Entretantu Ministru Defeza no Ministru Interior Interinu, Filomeno Paixão afirma, governu tenke iha pozisaun maske komunidade Tibar la konkorda área ne’eba sai fatin izolamentu ba vítima virus Corona.

Paixão subliña, governu halo esforsu hotu atu antisipa bainhira virus ne’e tama iha Timor Leste, governu liuliu Ministériu Saúde bele halo atendimentu. (cao)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 528
  • Page views today : 721
  • Total visitors : 79,039
  • Total page view: 110,788

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur